പത്മനാഭസ്വാമീക്ഷേത്രത്തിലെ ബി നിലവറയിലുള്ള യക്ഷി! മംഗലത്തു ചിരുതേവി

10/10/25

യക്ഷിക്കഥകളാൽ സമ്പന്നമാണ് കേരളം. കേരളത്തിന്റെ പഴയ മലബാർ, തിരുവിതാംകൂർ, കൊച്ചി മേഖലകളിൽനിന്ന് അനേകം യക്ഷിക്കഥകൾ തലമുറകളിലൂടെ കൈമാറ്റം ചെയ്യപ്പെട്ടിട്ടുണ്ട്. കള്ളിയങ്കാട്ട് നീലി വളരെ പ്രശസ്തയായ ഒരു യക്ഷിയാണ്. അതുപോലെ തന്നെ തിരുവിതാംകൂറിൽ നിന്നുള്ള മറ്റൊരു പ്രശസ്തയായ യക്ഷിയാണ് കാഞ്ഞിരോട്ട് യക്ഷി. തെക്കൻ തിരുവിതാംകൂറിൽ കാഞ്ഞിരക്കോട് എന്നൊരു സ്ഥലമുണ്ട്. ഇന്ന് തമിഴ്നാട്ടിലാണ് ഈ സ്ഥലം. കാഞ്ഞിരക്കോടെ പ്രശസ്തമായ പടമംഗലം തറവാടുകളിലൊന്നായ മംഗലത്താണ് ശ്രീദേവി അല്ലെങ്കിൽ ചിരുതേവി എന്നറിയപ്പെടുന്ന യുവതി ജനിച്ചത്. അതീവ സൗന്ദര്യത്തിനുടമയായ ചിരുതേവി മികച്ച ഒരു നർത്തകിയുമായിരുന്നു. അനേകം പുരുഷൻമാർ ചിരുതേവിയെ മോഹിച്ചു.