കർഷകശ്രീ കർഷകസഭയ്ക്ക് പാലക്കാട്ട് തുടക്കം

10/10/25

നെല്ലറയെന്നാണു പേരെങ്കിലും പാലക്കാട്ടെ നെൽക്കർഷകർക്കു പ്രതിസന്ധികളേറെയാണ്. സംഭരണത്തിൽ ഉൾപ്പെടെ പരാതികളുണ്ട്. അതേസമയം, നെൽക്കൃഷിയിൽ പുത്തൻസാധ്യതകളും ഏറെയുണ്ട്. ഇന്നും നാളെയും പ്രസന്നലക്ഷ്മി കല്യാണമണ്ഡപത്തിൽ നടക്കുന്ന കർഷകശ്രീ കർഷകസഭയിൽ നെൽക്കർഷകർക്കായി ഓപ്പൺഫോറം ഒരുക്കിയിട്ടുണ്ട്. ഓപ്പൺഫോറത്തിൽ വന്യജീവിശല്യം സംബന്ധിച്ചും ചർച്ചയുണ്ടാകും. 11ന് രാവിലെ പത്തിനാണ് ഓപ്പൺ ഫോറം. മലയാള മനോരമയുടെ കാർഷിക പ്രസിദ്ധീകരണമായ ‘കർഷകശ്രീ’യുടെ മുപ്പതാം വാർഷികത്തിന്റെ ഭാഗമായി നടക്കുന്ന കർഷകസഭയിൽ കർഷകർക്ക് അറിവുനൽകുന്ന സെമിനാറുകളും ഉണ്ട്. പങ്കെടുക്കുന്നവർക്കായി ഒട്ടേറെ സമ്മാനങ്ങളുമുണ്ട്.