വിവാഹ മോചനത്തിൽ വലിയ സന്തോഷം; പാലഭിഷേകം നടത്തിയും കേക്ക് മുറിച്ചും ആഘോഷമാക്കി യുവാവ്

10/10/25

ബിരാദർ എന്നയാളുടെ സമൂഹമാധ്യമ അക്കൗണ്ടിലാണ് വിഡിയോ എത്തിയത്. ‘ദയവായി സന്തോഷത്തോടെയിരിക്കുക, സ്വയം സ്നേഹിക്കുക, വിഷാദത്തിലേക്കു പോകരുത്.’– എന്ന കുറിപ്പോടെയാണ് പാലഭിഷേകം ചെയ്യുന്നതിന്റെ വിഡിയോ യുവാവ് പങ്കുവച്ചത്. 120 ഗ്രാം സ്വർണവും 18ലക്ഷം രൂപയും നൽകിയെന്നും യുവാവ് കുറിപ്പില്‍ പറയുന്നു. ഒപ്പം തന്നെ ഇപ്പോൾ സിംഗിളാണെന്നും സന്തോഷവും സ്വാതന്ത്ര്യവും അനുഭവിക്കുന്നതായും യുവാവ് വ്യക്തമാക്കി. ഇന്ത്യയിലെ രീതിയനുസരിച്ച് വിവാഹമോചനം ആഘോഷമാക്കുന്നവർ കുറവാണ്. പാരമ്പര്യവും സംസ്കാരവും മതവുമെല്ലാം വിവാഹമോചന തീരുമാനത്തെ സ്വാധീനിക്കാറുണ്ട്. എന്നാല്‍ ഈ യുവാവിന്റെ കേസിൽ അദ്ദേഹം വിവാഹമോചനത്തെ വളരെ പോസിറ്റിവായാണ് കാണുന്നത്. അദ്ദേഹത്തിന്റെ തീരുമാനത്തിന് കുടുംബവും അമ്മയും പൂർണ പിന്തുണയും നൽകുന്നു.