ഹോട്ടലില്‍ മേശ തുടപ്പുകാരൻ, ഡ്രൈവർ; ഋഷഭിന്റെ സ്വപ്നയാത്ര; ‘കാന്താര’യിലൂടെ പ്രതിഫലം 100കോടി കടക്കും

4/10/25

കാന്താര’ എന്ന കന്നട സിനിമ റിലീസ് ചെയ്യുമ്പോള്‍ കന്നട ഫിലിം ഇന്‍ഡസ്ട്രിക്ക് പോലും തീരെ പ്രതീക്ഷയുണ്ടായിരുന്നില്ല. കാരണം അതിന് മുന്‍പ് സിനിമയിലെ മഹാവിജയങ്ങളുമായി ബന്ധപ്പെട്ട് ആരും പരിഗണിച്ചിരുന്ന പേരല്ല നടനും സംവിധായകനുമായ ഋഷഭ് ഷെട്ടിയുടേത്. എന്നാല്‍ പൊടുന്നനെ എല്ലാവരെയും വിസ്മയിപ്പിച്ചുകൊണ്ട് ഒരു ആഗോള ഹിറ്റായി മാറി ‘കാന്താര’. ലോകമെമ്പാടും സിനിമയ്ക്ക് ആരാധകരുണ്ടായി. 14 കോടിയില്‍ (ഔദ്യോഗിക സ്ഥിരീകരണം ഇതാണെങ്കിലും ഇതിലും വളരെ കുറഞ്ഞ തുകയാണ് യഥാർഥ ബജറ്റ് എന്നും പറയപ്പെടുന്നു) പൂര്‍ത്തിയായ ചിത്രം 450 കോടിയിലധികം വാരിക്കൂട്ടി. തിരക്കഥ, സംവിധാനം, നായക നടന്‍ എന്നിങ്ങനെ സിനിമയുടെ മർമപ്രധാനമായ മൂന്ന് ഘടകങ്ങളും കൈകാര്യം ചെയ്തത് ഷെട്ടിയായിരുന്നു. അങ്ങനെ ഇന്നലെ വരെ ആരുമല്ലാതിരുന്ന ഋഷഭ് ഷെട്ടി ഒറ്റ സിനിമ കൊണ്ട് ഇന്ത്യന്‍ ചലച്ചിത്ര വ്യവസായത്തിന്റെ നെറുകയിലെ