മായകാഴ്ചകളൊരുക്കി ഞെട്ടിക്കാൻ ജെയിംസ് കാമറൂൺ : അവതാർ 3 ട്രെയിലർ പുറത്ത്

27/9/25

ഇത്തവണ ബോക്സ് ഓഫീസിൽ തീപാറും. ജെയിംസ് കാമറൂൺ ചിത്രം അവതാറിന്റെ മൂന്നാം ഭാ​ഗം ബോക്സ് ഓഫീസിൽ തരം​ഗമാകുമെന്ന് ഉറപ്പ്. അവതാർ : ഫയർ ആൻഡ് ആഷ്' എന്ന മൂന്നാം ഭാഗത്തിന്റെ ട്രെയ്ലർ പുറത്തുവിട്ടിരിക്കുകയാണ് അണിയറപ്രവർത്തകർ. ഒരു അഗ്നി പർവതത്തിനോടു ചേർന്നു സ്ഥിതി ചെയ്യുന്ന ആഷ് ഗ്രാമത്തിലുളള ഗോത്ര വിഭാഗക്കാരെയാണ് ഇത്തവണ കാമറൂൺ പരിചയപ്പെടുത്തുന്നത്. പയാക്കാൻ എന്ന തിമിംഗലവും ഈ ചിത്രത്തിലുണ്ട്. ആദ്യ രണ്ട് ഭാഗങ്ങൾ പോലെ ഒരു ദൃശ്യവിസ്മയം തന്നെയാകും ഈ മൂന്നാം ഭാഗവും എന്ന സൂചനയാണ് ട്രെയ്‌ലർ നൽകുന്നത്. ആദ്യ രണ്ട് ഭാഗങ്ങളിലെ കഥാപാത്രങ്ങൾക്കൊപ്പം പുതിയ ചിലരും ഈ മൂന്നാം ഭാഗത്തിലുണ്ട്. ഗംഭീര വിഷ്വൽ ക്വാളിറ്റി സിനിമ ഉറപ്പുനൽകുന്നുണ്ട്.