ബ്രേക്കിട്ട് സ്വർണവില; പവന് 240 രൂപ കുറഞ്ഞു

24/9/25

കൊച്ചി : സംസ്ഥാനത്ത് സ്വർണവിലയിൽ ചെറിയ ബ്രേക്ക്. ഇന്ന് പവന് 240 രൂപ കുറഞ്ഞു. 84,600 രൂപയാണ് ഇന്ന് ഒരു പവന്റെ വില. കഴിഞ്ഞ ദിവസം 84,840 രൂപയിലാണ് സ്വർണവ്യാപാരം നടന്നത്. ​ഗ്രാമിന് 30 രൂപ കുറഞ്ഞ് 10,605ൽ നിന്ന് 10,575 ലെത്തി. ഈ മാസം 16നാണ് സ്വർണവില 82,000ത്തിലെത്തിയത്. സെപ്തംബർ ആദ്യം 77,000ത്തിൽ നിന്ന പവൻവിലയാണ് പിന്നീട് 80,000ത്തിലേക്ക് കുതിച്ചത്. ഈ മാസം ആദ്യം 77,640 രൂപയായിരുന്നു സ്വര്‍ണവില. ഈ മാസത്തെ ഏറ്റവും കുറഞ്ഞ വിലയും ഇതായിരുന്നു. പിന്നീട് ഉയർന്ന സ്വർണവില സെപ്തംബർ 23ന് 84,000 കടന്നു. സ്വർണവില ക്രമാതീതമായി ഉയരുന്നത് വിവാഹ വിപണിയിൽ വലിയ ആശങ്കയാണ് സൃഷ്ടിക്കുന്നത്. പണിക്കൂലിയും നികുതിയും ഉൾപ്പെടെ ഒരുപവന് 90,000 രൂപയ്ക്ക് മുകളിൽ നൽകേണ്ടി വരും. സ്വര്‍ണത്തിന്റെ വിലയ്ക്ക് പുറമെ അഞ്ച് ശതമാനം പണിക്കൂലിയും മൂന്ന് ശതമാനം ജിഎസ്ടിയും ഹാള്‍മാര്‍ക്കിങ് ചാര്‍ജും അധികമായി ഉപഭോക്താവ് നല്‍കേണ്ടി വരും