മലയാള സിനിമയ്ക്ക് അഭിമാന നിമിഷം; ദാദാസാഹേബ് ഫാല്‍ക്കെ പുരസ്‌കാരം ഏറ്റുവാങ്ങി മോഹന്‍ലാല്‍

24/9/25

ദാദാസാഹേബ് ഫാല്‍ക്കെ പുരസ്‌കാരം രാഷ്ട്രപതി ദ്രൗപതി മുര്‍മുവില്‍ നിന്ന് ഏറ്റുവാങ്ങി നടന്‍ മോഹന്‍ലാല്‍. എഴുപത്തിയൊന്നാമത് ദേശീയ ചലച്ചിത്ര പുരസ്‌കാരവും വിതരണം ചെയ്തു. ഷാരൂഖ് ഖാനും വിക്രാന്ത് മാസിയും മികച്ച നടന്‍മാര്‍ക്കുള്ള പുരസ്‌കാരം ഏറ്റുവാങ്ങി. റാണി മുഖര്‍ജി മികച്ച നടിക്കുള്ള പുരസ്‌കാരവും കരസ്ഥമാക്കി. മലയാളത്തിന്റെ അഭിമാന താരം മോഹന്‍ലാല്‍ ചലച്ചിത്ര മേഖലയിലെ സമഗ്ര സംഭാവനയ്ക്കുള്ള ദാദാസാഹെബ് ഫാല്‍ക്കെ പുരസ്‌കാരം നിറഞ്ഞ കൈയടികളോടെ ഏറ്റുവാങ്ങി. ആദ്യമായാണ് മലയാള നടന് ഫാല്‍ക്കെ പുരസ്‌കാരം ലഭിക്കുന്നത്. ഭാര്യ സുചിത്രയും സുഹൃത്ത് ആന്റണി പെരുമ്പാവൂരും മോഹന്‍ലാലിനൊപ്പം ചടങ്ങിനെത്തിയിരുന്നു.