ജിഎസ്ടി ഇളവ്: ഭവനനിർമാണ ചെലവ് കുറയും, കാശ് ലാഭിക്കാം; സാധാരണക്കാർക്ക് ആശ്വസിക്കാൻ വകയുണ്ട്

22/9/25

കേന്ദ്രസർക്കാരിന്റെ ജിഎസ്ടി പരിഷ്കാരങ്ങൾ ഇന്ന് നിലവിൽ വരുന്നതോടെ, പല കാര്യങ്ങൾക്കും വില കുറയുമെന്ന ആശ്വാസത്തിലാണ് ജനങ്ങൾ. അത് കെട്ടിട നിർമാണ മേഖലയ്ക്കും ഗുണകരമാകുമെന്നാണ് വിലയിരുത്തൽ. 'എല്ലാവർക്കും വീട്' എന്ന ദേശീയ ദൗത്യത്തിനോട് ചേർന്നുപോകുന്ന രീതിയിലാണ് പരിഷ്കാരങ്ങൾ ഏർപ്പെടുത്തുന്നത്. ജിഎസ്ടിയിലെ മാറ്റങ്ങൾ നിലവിൽ വരുന്നതോടെ റെസിഡൻഷ്യൽ, റീടെയ്ൽ, റിയൽ എസ്റ്റേറ്റ് മേഖലയ്ക്ക് അത് ഉത്തേജനം നൽകുമെന്നാണ് പ്രതീക്ഷ. നിർമാണ ചെലവ് കുറയുകയും നികുതി സുഗമമാവുകയും ചെയ്യുന്നതിലൂടെ ഭവനആവശ്യകതയും നിക്ഷേപങ്ങളും വർധിക്കുമെന്നും നിർമാണ പദ്ധതികൾ കൂടുതൽ പ്രവർത്തനക്ഷമമാകുമെന്നും കരുതപ്പെടുന്നു.