പെട്ടെന്ന്‌ രോഗം മാറണോ? മരുന്ന്‌ കഴിക്കുമ്പോള്‍ ഈ കാര്യം ശ്രദ്ധിക്കാം

22/9/25

അസുഖം വന്നാല്‍ അത്‌ മാറാന്‍ മരുന്ന്‌ കഴിക്കണം. എന്നാല്‍ എത്രയും വേഗം അസുഖം മാറി വീണ്ടും ആരോഗ്യം വീണ്ടെടുക്കണമെങ്കില്‍ മരുന്ന്‌ ഇളം ചൂട്‌ വെള്ളത്തിനൊപ്പം കഴിക്കുന്നത്‌ നന്നായിരിക്കുമെന്ന്‌ ആരോഗ്യ വിദഗ്‌ധര്‍ പറയുന്നു. മരുന്ന്‌ വയറിലെത്തി അലിഞ്ഞ്‌ അതിലെ പല ഘടകങ്ങള്‍ നമ്മുടെ രക്തപ്രവാഹത്തിലേക്ക്‌ എത്തുമ്പോഴാണ്‌ രോഗം മാറി തുടങ്ങുക. ഈ പ്രക്രിയയെ കാര്യക്ഷമമാക്കാന്‍ ഇളം ചൂട്‌ വെള്ളം സഹായിക്കുമെന്നാണ്‌ ചില പഠനങ്ങള്‍ പറയുന്നത്‌. വെള്ളമില്ലാതെ മരുന്ന്‌ കഴിക്കുന്നതും തണുത്ത വെള്ളത്തില്‍ മരുന്ന്‌ കഴിക്കുന്നതും അപേക്ഷിച്ച്‌ മരുന്ന്‌ പെട്ടെന്ന്‌ അലിഞ്ഞ്‌ രക്തപ്രവാഹത്തിലേക്ക്‌ കൂടുതല്‍ കാര്യക്ഷമമായി ആഗീരണം ചെയ്യപ്പെടാന്‍ ഇളം ചൂട്‌ വെള്ളം സഹായിക്കുമെന്നാണ്‌ കണ്ടെത്തല്‍.