തിരുവനന്തപുരം മെഡിക്കൽ കോളേജിൽ 80 കോടി 64 ലക്ഷം രൂപയുടെ മെഡിക്കൽ ഉപകരണങ്ങൾ സര്‍ക്കാര്‍ വാങ്ങിനല്‍കി : വീണാ ജോർജ്

16/9/25

തിരുവനന്തപുരം: തിരുവനന്തപുരം മെഡിക്കൽ കോളെജിൽ മാത്രം യുഡിഎഫിന്റെ കാലഘട്ടത്തിലും ഒന്നാം പിണറായി സർക്കാരിന്റെ കാലത്തും രണ്ടാം സർക്കാരിന്റെ ഈ നാല് വർഷക്കാലത്തും എത്ര തുക മെഡിക്കൽ ഉപകരണങ്ങൾക്കുവേണ്ടി ചെലവഴിച്ചിട്ടുണ്ട് എന്ന് പരിശോധിച്ചിട്ടുണ്ടെന്ന് മന്ത്രി വീണാ ജോർജ്. യുഡിഎഫ് ഭരണകാലഘട്ടമായ 2011മുതൽ 2016 വരെ 15 കോടി 64 ലക്ഷം കോടിയാണ് മെഡിക്കൽ ഉപകരണങ്ങൾക്കായി ചെലവഴിച്ചത്. എന്നാൽ ഒന്നാം പിണറായി സർക്കാരിന്റെ കാലത്ത് മാത്രം 41കോടി 84 ലക്ഷത്തിലധികം രൂപ ചെലവഴിച്ചു. രണ്ടാം പിണറായി സർക്കാരിന്റെ കാലത്ത് കിഫ്ബിയുടെ 43 കോടിയുടെ മെഡിക്കല്‍ ഉപകരണങ്ങളും ചേർത്ത് 80 കോടി 64 ലക്ഷം രൂപയാണ് ചെലവഴിച്ചതെന്നും വീണാ ജോർജ് നിയമസഭയിൽ ചോദ്യോത്തര വേളയിൽ വ്യക്തമാക്കി. എപി അനിൽകുമാർ എംഎൽഎയുടെ ചോദ്യത്തിനാണ് മന്ത്രി മറുപടി നൽകിയത്.