‘ഹൃദയപൂർവം’ ഒരുപാടിഷ്ടമായി, സംഗീത് ചേട്ടനെ ഓര്‍ത്ത് അഭിമാനം: നസ്‌ലിൻ

9/9/25

ഹൃദയപൂർവം’ സിനിമയെയും സുഹൃത്തായ സംഗീത് പ്രതാപിന്റെ അഭിനയത്തെയും പ്രശംസിച്ച് നസ്‌ലിൻ. സിനിമ ഒരുപാട് ഇഷ്ടപ്പെട്ടെന്നും സംഗീതിനെ ഓർത്ത് അഭിമാനമുണ്ടെന്നും നസ്‌ലിൻ ഇൻസ്റ്റാഗ്രാം സ്റ്റോറിയിൽ കുറിച്ചു. സത്യൻ അന്തിക്കാടിന്റെ മകനായ അനൂപ് സത്യൻ, മാളവിക മോഹൻ, സംഗീത് പ്രതാപ് എന്നിവരെ ടാഗ് ചെയ്തായിരുന്നു നസ്‌ലിന്റെ കുറിപ്പ്. ‘‘ഹൃദയപൂർവം ഇപ്പോൾ കണ്ടിറങ്ങിയതേ ഉള്ളൂ. സിനിമ എനിക്ക് ഒരുപാട് ഇഷ്ടപ്പെട്ടു. നല്ലൊരു ഫീൽ ഗുഡ് വൈബ് ആയിരുന്നു സിനിമയ്ക്ക്. സംഗീതേട്ടന്റെ അഭിനയം വളരെ മികച്ചതായിരുന്നു. സത്യം പറഞ്ഞാൽ, നിങ്ങളെ ഓർത്ത് എനിക്ക് അഭിമാനമുണ്ട് സംഗീതേട്ടാ.’’– നസ്‌ലിൻ കുറിച്ചു.