ലോക: ചാപ് റ്റർ വൺ- ചന്ദ്രയിലെ വിവാദ പരാമർശം നീക്കം ചെയ്യുമെന്ന് നിർമാതാക്കളായ വേഫേറർ ഫിലിംസ്.

3/9/25

കൊച്ചി: കളക്ഷൻ റെക്കോർ‍ഡുകൾ തകർത്ത് മുന്നേറുന്ന സോഷ്യൽ മീഡിയയിലൂടെയാണ് നിർമാതാക്കളുടെ പ്രതികരണം. കന്നഡ വികാരത്തെ വ്രണപ്പെടുത്തിയെന്ന ആരോപണത്തില്‍ നിർമാതാക്കൾ ഖേദം പ്രകടിപ്പിച്ചു. ’’ഞങ്ങളുടെ ലോക: ചാപ്റ്റര്‍ വണ്‍- ചന്ദ്ര’ എന്ന സിനിമയിലെ ഒരു കഥാപാത്രത്തിന്റെ ഡയലോഗ് കര്‍ണാടകയിലെ ജനങ്ങളുടെ വികാരത്തെ അവിചാരിതമായി വ്രണപ്പെടുത്തിയതായി ശ്രദ്ധയില്‍പ്പെട്ടു. വേഫെറര്‍ ഫിലിംസ് മനുഷ്യർക്കാണ് പരി​ഗണന നൽകുന്നത്. വീഴ്ചയില്‍ ഞങ്ങള്‍ ഖേദം അറിയിക്കുന്നു. ഞങ്ങള്‍ ആരേയും വേദനിപ്പിക്കാന്‍ ഉദ്ദേശിച്ചിരുന്നില്ലെന്നും പ്രസ്തുത ഡയലോഗ് എത്രയും വേഗം നീക്കംചെയ്യുകയോ എഡിറ്റ് ചെയ്യുകയോ ചെയ്യുമെന്ന് ’’ അറിയിക്കുന്നതായും വേഫേറർ ഫിലിംസ് പ്രസ്താവനയിൽ പറയുന്നു. ബംഗളൂരുവിനെ പാര്‍ട്ടിയുടേയും മയക്കുമരുന്നിന്റേയും ഹബ്ബായി ചിത്രീകരിക്കുന്നു എന്ന ആരോപണവുമായി കന്നഡ സിനിമാ മേഖലയില്‍നിന്നുള്ളവര്‍ തന്നെ 'ലോക'യ്‌ക്കെതിരെ രം​ഗത്തെത്തിയിരുന്നു.