‘ലോക’യിലൂടെ ലോകം കീഴടക്കുന്ന ദുൽഖർ

2/9/25

എന്നും വിസ്മയങ്ങള്‍ കാത്തു വച്ച ഒന്നാണ് ദുല്‍ഖർ സല്‍മാന്റെ ജീവിതം. പഠിക്കുന്ന കാലഘട്ടത്തിലൊന്നും സിനിമയോടുളള അഭിനിവേശമോ ഏതെങ്കിലും തരത്തിലുളള കലാപരമായ താത്പര്യങ്ങളോ അദ്ദേഹത്തിന്റെ ഭാഗത്തു നിന്നുണ്ടായതായി അറിവില്ല. മമ്മൂട്ടിയുടെ മകന്‍ എന്ന ലേബല്‍ ഉപയോഗിച്ച് വാര്‍ത്തകളില്‍ നിറയാന്‍ ശ്രമിക്കാതെ ഒതുങ്ങിക്കൂടിയ യുവാവ്. മകന്‍ തന്റെ പിന്‍ഗാമിയായി സിനിമയില്‍ വരുമെന്ന് മമ്മുട്ടി സ്വപ്നത്തില്‍ പോലും കരുതിയിട്ടുണ്ടാകില്ല. അതുകൊണ്ട് തന്നെ പൊതുസമൂഹവും ദുൽഖറില്‍ നിന്ന് അങ്ങനെയൊന്ന് പ്രതീക്ഷിച്ചതേയില്ല. ബിസിനസ് മാനേജ്‌മെന്റില്‍ ബിരുദം നേടിയ ദുൽഖര്‍ പഠനശേഷം ചില സംരംഭങ്ങളും ദുബായില്‍ ജോലിയും മറ്റുമായി ജീവിതം മറ്റൊരു വിതാനത്തിലാണ് പ്രതിഷ്ഠിച്ചത്