1000 തേങ്ങ വിൽക്കാനുണ്ടെങ്കില്‍ അര ലക്ഷം രൂപ വരുമാനം! വില സർവകാല റെക്കോർഡിലേക്ക്

29/8/25

‘‘രണ്ടു നാലുദിനം കൊണ്ടൊരുത്തനെ തണ്ടിലേറ്റുന്നതും വിപണി ; മാളികമുകളിലേറിയവന്റെ തോളിൽ മാറാപ്പ് കേറ്റുന്നതും. വിപണി’’ എന്നു തെങ്ങിനെ നോക്കി റബറും നെല്ലുമൊക്കെ പറയുന്ന കാലമാണിത്. 2വർഷം മുൻപ് 15–20രൂപ വിലയുണ്ടായിരുന്ന നാളികേരത്തിന് ഇപ്പോൾ വില 45–50 രൂപ; മാസങ്ങൾക്കുള്ളിൽ വില ഇരട്ടിച്ചതുകണ്ട് അമ്പരക്കുകയാണ് കേരളം. 1000തേങ്ങ വിൽക്കാനുണ്ടെങ്കില്‍ അര ലക്ഷം രൂപ വരുമാനം! ഒരു വിളവെടുപ്പിൽ 25 തേങ്ങ നൽകുന്ന 40 തെങ്ങുണ്ടെങ്കിൽ ഇത്രയും വരുമാനം കിട്ടുന്ന കാലം കേരളത്തിലെ കൃഷിക്കാർ സ്വപ്നത്തിൽപോലും പ്രതീക്ഷിച്ചിട്ടുണ്ടാവില്ല. വിൽക്കാൻ തേങ്ങയുള്ളവർപോലും വില പോകുന്ന പോക്കു കണ്ട് അടുക്കളയിൽ ഉപയോഗം കുറയ്ക്കുന്ന സ്ഥിതിയായി.