മുഖക്കുരു, ഭാരം വർധിക്കൽ, മുടിയുടെ ഉള്ള് കുറവ്; പരിഹാരമായി ഈ ഭക്ഷണങ്ങൾ കഴിക്കൂ

29/8/25

പോളിസിസ്‌റ്റിക്‌ ഒവേറിയന്‍ സിന്‍ഡ്രോം (പിസിഒഎസ്‌) എന്ന ഹോര്‍മോണല്‍ തകരാര്‍ അനുഭവിക്കുന്ന പല സ്‌ത്രീകളും നമുക്ക്‌ ചുറ്റുമുണ്ട്‌. പിസിഒഎസ്‌ ബാധിതരില്‍ അണ്ഡാശയത്തില്‍ നിന്ന്‌ പുരുഷ സെക്‌സ്‌ ഹോര്‍മോണായ ആന്‍ഡ്രോജനുകള്‍ അമിതമായി ഉത്‌പാദിപ്പിക്കപ്പെടും. ഇത്‌ മൂലം അണ്ഡാശയത്തിന്‌ ആര്‍ത്തവസമയത്ത്‌ മുട്ടകള്‍ ശരിയായി ഉത്‌പാദിപ്പിക്കാന്‍ സാധിക്കാത്ത അവസ്ഥയുണ്ടാകും. ചില കേസുകളില്‍ ഹോര്‍മോണല്‍ അസന്തുലിതാവസ്ഥ ആര്‍ത്തവചക്രത്തെ ബാധിച്ച്‌ വന്ധ്യതാ പ്രശ്‌നങ്ങളും ഉണ്ടാക്കാം.ഓട്‌മീല്‍, ബ്രൗണ്‍ റൈസ്‌, ക്വിനോവ എന്നിങ്ങനെയുള്ള ഹോള്‍ ഗ്രെയ്‌നുകളും ബ്രോക്കളി, ഗ്രീന്‍ ബീന്‍സ്‌, വഴുതനങ്ങ പോലുള്ള പച്ചക്കറികളും ചീര, കെയ്‌ല്‍ പോലുള്ള പച്ചിലകളും ഭക്ഷണത്തില്‍ ഉള്‍പ്പെടുത്തുന്നത്‌ ഗുണം ചെയ്യും. ബ്ലാക്ക്‌ ബീന്‍സ്‌, കിഡ്‌നി ബീന്‍സ്‌ പോലുള്ള പയര്‍ വര്‍ഗ്ഗങ്ങള്‍, മീന്‍, കക്കയിറച്ചി, വാള്‍നട്ട്‌ , പിസ്‌ത, സൂര്യകാന്തി വിത്ത്‌, ബെറി പഴങ്ങള്‍, സിട്രസ്‌ പഴങ്ങള്‍ എന്നിവയും പിസിഒഎസ്‌ രോഗികള്‍ കഴിക്കുന്നത്‌ നല്ലതാണ്‌. ജ്യൂസിനും സോഡയ്‌ക്കും പകരം വെള്ളരി, ബെറി പഴം, സിട്രസ്‌ പഴങ്ങള്‍ എന്നിവ ചേര്‍ത്ത വെറും വെള്ളം ശീലിക്കേണ്ടതാണ്‌. ചിപ്‌സ്‌ പോലുള്ള സ്‌നാക്‌സ്‌ മാറ്റി പകരം കടലയോ നട്‌സോ കഴിക്കാവുന്നതാണ്‌.