ഭാരം കുറയ്ക്കാൻ ചോറ് ഒഴിവാക്കാറുണ്ടോ? ഇക്കാര്യം ശ്രദ്ധിച്ചാൽ ഇരട്ടി ഗുണം!

26/8/25

ഇന്ത്യയിലെ പ്രധാനഭക്ഷണമാണ് അരി. ചോറ്, പുലാവ്, ബിരിയാണി അങ്ങനെ പല രൂപത്തിൽ ഭക്ഷണം കഴിക്കാൻ ഇഷ്ടപ്പെടുന്നവരാണ് നമ്മൾ. എന്നാൽ പലപ്പോഴും ഡയറ്റിന്റെ ഭാഗമായി അരിയെ മാറ്റി നിർത്താറുണ്ട്. ചോറ് ഉപേക്ഷിച്ചാൽ എല്ലാ ആരോഗ്യപ്രശ്നങ്ങൾക്കും പരിഹാരമാകുമെന്ന് കരുതുന്നുണ്ടോ? വൈറ്റമിനുകളും ആന്റി ഓക്സിഡന്റുകളും ധാരാളം അടങ്ങിയിട്ടുള്ള ചോറ് ഒഴിവാക്കേണ്ട കാര്യമില്ലെന്ന് ആരോഗ്യവിദഗ്ധർ പറയുന്നു. ശരിയായ രീതിയിൽ ചോറ് പാകം ചെയ്താൽ മാത്രം മതി. എന്നാൽ അരി എങ്ങനെ ശരിയായി വേവിക്കണം എന്ന കാര്യത്തിൽ പലപ്പോഴും പലർക്കും പല അഭിപ്രായമായിരിക്കും. പോഷകങ്ങൾ നഷ്ടപ്പെടാതിരിക്കാൻ ചില കാര്യങ്ങൾ ശ്രദ്ധിക്കണം.