തൃപ്പൂണിത്തുറ അത്തച്ചമയ ആഘോഷങ്ങൾക്ക് ഇന്നു തുടക്കം

26/8/25

കൊച്ചി : ആനയും അമ്പാരിയും രാജപല്ലക്കും തെയ്യവും തിറയും കലാപ്രകടനങ്ങളും നിശ്ചലദൃശ്യങ്ങളും ദൃശ്യവിരുന്നൊരുക്കുന്ന ഘോഷയാത്രയുമായി തൃപ്പൂണിത്തുറ അത്തച്ചമയ ആഘോഷങ്ങൾക്ക് ഇന്നു തുടക്കം. ഓണാഘോഷങ്ങളുടെ വരവറിയിക്കുന്ന ചരിത്ര പ്രസിദ്ധമായ ആഘോഷം കൂടിയാണ് തൃപ്പൂണിത്തുറ അത്തച്ചമയം. രാവിലെ 9ന് ഗവ.ബോയ്സ് ഹൈസ്കൂൾ ഗ്രൗണ്ടിൽ മന്ത്രി എം.ബി രാജേഷ് അത്തച്ചമയം ഉദ്ഘാടനം ചെയ്യും. മന്ത്രി പി.രാജീവ് അത്തപ്പതാക ഉയർത്തും. നടൻ ജയറാം ഘോഷയാത്ര ഫ്ലാഗ് ഓഫ് ചെയ്യും. കെ.ബാബു എംഎൽഎ അധ്യക്ഷത വഹിക്കും. എംപിമാരായ ഹൈബി ഈഡന്‍, ഫ്രാന്‍സിസ് ജോർജ്, അനൂപ് ജേക്കബ് എംഎൽഎ, ജില്ലാ കലക്ടർ ജി.പ്രിയങ്ക തുടങ്ങിയവവരും ചടങ്ങിൽ പങ്കെടുക്കും. തുടർന്ന് ദൃശ്യവിരുന്നുമായി ഘോഷയാത്ര നഗരം ചുറ്റും.