പ്രതീക്ഷയോടെ റബർ കർഷകർ, ജാതിക്ക വിപണിയിൽ ഉണർവ്

25/8/25

സംസ്ഥാനത്തിന്റെ പല ഭാഗങ്ങളിലും റബർ ടാപ്പിങ്‌ രംഗത്ത്‌ ഉണർവ്‌ കണ്ടതോടെ ഉത്തരേന്ത്യൻ ചെറുകിട വ്യവസായികൾ ചരക്ക്‌ സംഭരണം കുറച്ച്‌ നിരക്ക്‌ താഴ്‌ത്താൻ ശ്രമം. അതേസമയം പ്രധാന കയറ്റുമതി വിപണിയായ ബാങ്കോക്കിൽ റബർ വില കിലോ മൂന്ന്‌ രൂപ ഉയർന്ന്‌ 185ലേക്ക്‌ കയറിയത്‌ ആഭ്യന്തര മാർക്കറ്റിൽ നാലാം ഗ്രേഡിന്‌ കരുത്ത്‌ പകരുമെന്നു സ്‌റ്റോക്കിസ്‌റ്റുകൾ കണക്ക്‌ കൂട്ടി. എന്നാൽ കൊച്ചി, കോട്ടയം വിപണികളിൽ വില ഒരു രൂപ കുറഞ്ഞ്‌ 190 രൂപയായി. വാരാന്ത്യമായതിനാൽ ജപ്പാൻ അടക്കമുള്ള മുൻനിര അവധി വ്യാപാര കേന്ദ്രങ്ങളിൽ ഇടപാടുകാർ ലാഭമെടുപ്പിനാണ്‌ ഇന്ന്‌ മുൻതൂക്കം നൽകിയത്‌. ഒസാക്കയിൽ ഒക്‌ടോബർ അവധി വില കിലോ 319 യെന്നിൽ നിന്നും 323 വരെ കയറി.