മുതിർന്നവർക്കും വേണം വാക്സീൻ; ഈ 3 പ്രതിരോധകുത്തിവയ്പ്പുക

25/8/25

രോഗത്തിന്റെയോ രോഗാണുവിന്റെയോ അംശങ്ങളെ ശരീരത്തിന്റെ രോഗപ്രതിരോധ സംവിധാനത്തിന് പരിചയപ്പെടുത്തിക്കൊടുത്ത്, എന്നാൽ യഥാർത്ഥ രോഗം വരുത്താതെ തന്നെ സുരക്ഷിതമായി ഇമ്മ്യൂൺ റെസ്പോൺസ് ഉണ്ടാക്കുകയാണ് വാക്സിൻ ചെയ്യുന്നത്. ഇമ്മ്യൂൺ പ്രതിരോധം രണ്ടു രീതിയിൽ ആകാം. ഒന്ന്, രോഗം വന്ന് അതിനെ അതിജീവിച്ച് കഴിഞ്ഞാൽ നമുക്ക് രോഗപ്രതിരോധശേഷി ലഭിക്കും. പക്ഷേ രോഗം വരുന്നതിന് അതിന്റേതായ അപകടസാധ്യതകളുണ്ട്. രോഗം വരുന്നതിന്റെ അപകടമില്ലാതെ ഇതേ ഇമ്മ്യൂൺ റെസ്പോൺസ് ഉണ്ടാക്കുന്നതിനാണ് വാക്സിനേഷൻ എന്നു പറയുന്നത്. പല സുപ്രധാന രോഗങ്ങളെയും അകറ്റിനിർത്താൻ വാക്സീൻ സഹായിക്കും. എന്നാൽ വാക്സിൻ കൊണ്ടു തടുക്കാനാവാത്തവയും ഉണ്ട്. ഇനിയും വാക്സിൻ ലഭ്യമല്ലാത്ത എച്ച് ഐ വി, ജലദോഷ വൈറസ്സുകൾ, മഞ്ഞപ്പിത്തം ഉണ്ടാക്കുന്ന ഹെപ്പറ്റൈറ്റിസ് സി വൈറസ് ഇവയൊക്കെ ഇന്നും ശാസ്ത്രത്തിന് ഒരു വെല്ലുവിളിയായി നിലകൊള്ളുന്നു.