വസ്ത്ര ബ്രാന്‍ഡുമായി അഹാനയും അമ്മയും സഹോദരിമാരും

16/8/25

നടൻ കൃഷ്ണകുമാറിനെയും കുടുംബത്തെയും പ്രത്യേകം പരിചയപ്പെടുത്തേണ്ട ആവശ്യമില്ല. വീട്ടിലെ എല്ലാവരും യൂട്യൂബർമാർ ആയ ഇവരുടെ ജീവിതത്തിലെ ഓരോ കാര്യങ്ങളും സമൂഹമാധ്യമങ്ങൾ വഴി ലോകത്തെ അറിയിക്കാറുണ്ട്. ഇപ്പോഴിതാ സ്വന്തമായി ഒരു ക്ലോത്തിങ് ബ്രാന്‍ഡുമായി എത്തിയിരിക്കുകയാണിവര്‍. സിയാഹ് ബൈ അഹാദിഷിക (SIAH by Ahadishika) എന്നാണ് ഇവരുടെ ക്ലോത്തിങ് ബ്രാന്‍ഡിന്‍റെ പേര്. ഇന്നലെയാണ് ഇക്കാര്യം ഇവര്‍ യൂട്യൂബിലൂടെ അറിയിച്ചത്. ബ്രാന്‍ഡിന്‍റെ ഒഫീഷ്യല്‍ വൈബ്സൈറ്റും പരസ്യപ്പെടുത്തി. ഇതേക്കുറിച്ച് സിയാഹ് എന്ന് ബ്രാന്‍ഡിന്‍റെ ഇന്‍സ്റ്റഗ്രാം പേജില്‍ സ്റ്റോറിയും പ്രത്യക്ഷപ്പെട്ടു. ബ്രാന്‍ഡ് പരിചയപ്പെടുത്തി ഒറ്റമണിക്കൂര്‍ കൊണ്ട് ഒരു മില്യണ്‍ കാഴ്ചകാരാണ് ഈ ഇന്‍സ്റ്റഗ്രാം വിഡിയോ കണ്ടത്. അഹാന, ദിയ, ഇഷാനി, ഹന്‍സിക എന്നീ നാലു മക്കളാണ് കൃഷ്ണകുമാര്‍– സിന്ധു ദമ്പതികള്‍ക്കുള്ളത്. ഇതിൽ ദിയ ഒഴികെയുള്ള മക്കളും സിന്ധുവുമാണ് പുതിയ ബ്രാൻഡിനെ നയിക്കുന്നത്. ദിയ കൃഷ്ണ നേരത്തെ മുതൽ സംരംഭകയാണ്. ദിയയ്ക്ക് സ്വന്തമായി ഒരു ആഭരണക്കടയുണ്ട്