സൗബിൻ ചെന്നൈയിലേക്ക് താമസം മാറുന്നതാകും നല്ലത്, ഫാൻസ് കൂടും: ലോകേഷ് കനകരാജ്

12/8/25

‘കൂലി’ റിലീസായാൽ നാട്ടിൽ സംസാര വിഷയം സൗബിൻ ഷാഹിറായിരിക്കുമെന്ന് സംവിധായകൻ ലോകേഷ് കനകരാജ്. ‘കൂലി’ക്ക് ശേഷം തമിഴ് സിനിമയിൽ നിന്ന് ധാരാളം അവസരങ്ങൾ സൗബിനെ തേടി വരുമെന്നും ലോകേഷ് പറഞ്ഞു. ചിത്രത്തിന്റെ പ്രി റിലീസ് ചടങ്ങിൽ സംസാരിക്കുകയായിരുന്നു സംവിധായകൻ. ലോകേഷിന്റെ വാക്കുകൾ –‘‘സിനിമ റിലീസായാൽ ഒരാഴ്ചയ്ക്കകം സംസാര വിഷയം സൗബിൻ ആകുമെന്നാണ് എനിക്ക് തോന്നുന്നത്. സൗബിൻ ചെന്നൈയിലേക്ക് താമസം മാറുന്നത് നന്നായിരിക്കും. സിനിമ റിലീസായതിന് ശേഷം ഒരുപാട് അവസരങ്ങൾ തമിഴിൽ നിന്ന് ലഭിക്കും. നിങ്ങളുടെ ഡാൻസിന് ഇപ്പോൾ തന്നെ ഫാൻസുണ്ട്. പടം റിലീസാകുന്നതോടെ അഭിനയത്തിനും ഒരുപാട് ഫാൻസ് ഉണ്ടാകും.’’ ആമിർ ഖാനൊപ്പം ഇനിയും സിനിമകൾ ചെയ്യാനാകുമെന്ന് പ്രതീക്ഷിക്കുന്നതായും ലോകേഷ് പറഞ്ഞു.