അധ്യാപകർക്കും വിദ്യാർഥികൾക്കും ഒരേ അഭിപ്രായം: രംഗനാഥന്റെയും ടീച്ചിങ് മെത്തേഡ് സൂപ്പർ

7/8/25

ഈരാറ്റുപേട്ട ∙ സ്കൂൾ പരിസരം വൃത്തിയാക്കുന്ന തൊഴിലാളികൾ... അതിലൊരാൾ ഇടയ്ക്കിടെ ക്ലാസ്മുറിയിലേക്കു നോക്കി നിൽക്കും. ഇതു ശ്രദ്ധിച്ച പ്രധാനാധ്യാപിക ഷീജ സലിം തൊഴിലാളിയെ അടുത്തു വിളിച്ചു കാര്യം ചോദിച്ചു: പിന്നെ, ഈരാറ്റുപേട്ട ഗവ ഹയർ സെക്കൻഡറി സ്കൂളിൽ നടന്നത് നാടകീയ അനുഭവം. ‘ടീച്ചർ, ഇന്ത ഇടത്തിലെ ടീച്ചിങ് മെത്തേഡ് സൂപ്പർ’ – രംഗനാഥന്റെ വാക്കുകൾഅധ്യാപിക വിശദാംശങ്ങൾ ചോദിച്ചറിഞ്ഞു. പേര് എം.രംഗനാഥൻ, വയസ്സ് 36, വി.കെ.സ്ട്രീറ്റ്, കോമ്പൈ വില്ലേജ്, ഉത്തമപാളയം, തേനി. വിദ്യാഭ്യാസം? എംഎ, എംഎഡ് ! സ്വന്തം നാട്ടിലേക്കാൾ 300രൂപ കൂടുതൽ കിട്ടുന്നതിനാലാണു കേരളത്തിൽ കൂലിപ്പണിക്കെത്തിയത്. ഭാര്യയും മകനും അടങ്ങുന്ന കുടുംബം നോക്കണം. മിച്ചം കിട്ടുന്ന പണം സ്വരുക്കൂട്ടിവച്ച്, തമിഴ്നാട് സർക്കാർ സർവീസിൽ പ്രവേശിക്കാൻ പരിശീലനത്തിനു ചേരണം.അനുഭവം ഗുരുവാക്കിയ രംഗനാഥനെ ടീച്ചർ ക്ലാസിലേക്കു വിളിച്ചു. പ്ലസ് ടു വിദ്യാർഥികളോട് രംഗനാഥൻ അനുഭവം പറഞ്ഞു: കേരളത്തിൽ കൂലിപ്പണി തുടങ്ങിയിട്ട് ഒരുവർഷം. കല്ലുപണി, മരപ്പണി, കൃഷിപ്പണി എല്ലാം ചെയ്തു..