മലയുടെ താഴ്‌വരയിലെ ദശാവതാര ക്ഷേത്രങ്ങൾ

5/8/25

കോഴിക്കോട് ജില്ലയിലെ പൊൻകുന്ന് മലയുടെ താഴ്‌വരയിൽ കാക്കൂർ, നന്മണ്ട, ചേളന്നൂർ എന്നീ മൂന്ന് പഞ്ചായത്തുകളിലായാണ് ദശാവതാരക്ഷേത്രങ്ങളില്‍ ഒൻപതെണ്ണവും സ്ഥിതി ചെയ്യുന്നത്. ശംഖ് രൂപത്തിലാണ് ആറു കിലോമീറ്ററിനുള്ളിൽ ഒൻപത് ദശാവതാര ക്ഷേത്രങ്ങൾ സ്ഥിതി ചെയ്യുന്നത്.ധാരാളം ഭക്തർ ഇവിടെയെത്താറുണ്ട്. ഭാരതത്തിൽ പല സ്ഥലത്തും ദശാവതാര ക്ഷേത്രങ്ങളുണ്ടെങ്കിലും ഇത്രഅടുത്ത് എളുപ്പത്തിൽ സന്ദർശനം നടത്തി മടങ്ങാന്‍ സാധിക്കുന്നത് കോഴിക്കോട് മാത്രമാണ്. പെരുമീൻപുറം മത്സ്യാവതാര ക്ഷേത്രം മുതൽ ചേളന്നൂർ പഞ്ചായത്തിലെ പരശുരാമ ക്ഷേത്രം വരെയുള്ള ഒമ്പത് ക്ഷേത്രങ്ങൾ ഉൾപ്പെടുന്നതാണ് ഈ ദശാവതാര ക്ഷേത്രങ്ങൾ. ഈ ക്ഷേത്രങ്ങളിൽ ദർശനം നടത്തുന്നത് പൂർവജന്മ പാപങ്ങൾക്കും മറ്റും പരിഹാരമാണെന്നാണ് വിശ്വാസം. നാരായണീയം രചിച്ച മേൽപ്പത്തൂർ ഭട്ടതിരിക്ക് വാതരോഗം മാറിയതു പോലെ പല അസുഖങ്ങളും മാറുമെന്നാണ് ഇവിടം സന്ദർശിക്കുന്നവരുടെ വിശ്വാസം. മഹാവിഷ്ണുവിന്‍റെ ദശാവതാരങ്ങൾ മത്സ്യം, കൂർമം, വരാഹം, നരസിംഹം, വാമനൻ, ശ്രീരാമൻ, ബലരാമൻ, ശ്രീകൃഷ്ണൻ, കൽക്കി എന്നിവയാണ്. ഇതിൽ അവസാനത്തെ അവതാരമായ കൽക്കി ക്ഷേത്രം ഒഴികെയുള്ള ഒമ്പത് ക്ഷേത്രങ്ങളാണ് ഇവിടെയുള്ളത്.