റബർവിപണിയിൽ തളർച്ച, കുരുമുളകിന് ഉണർവ്; രണ്ടാം ദിവസവും ഇടിഞ്ഞ് കൊപ്രവില

5/8/25

പിന്നിട്ടവാരം ഏഷ്യൻ റബർ അവധി വ്യാപാരത്തിലുണ്ടായ വിൽപ്പന തരംഗത്തിൽ വിപണിയുടെ അടിയോഴുക്കിനു വൻ വ്യതിയാനം സംഭവിച്ചു. ജപ്പാൻ എക്‌സ്‌ചേഞ്ചിൽ റബർ അഞ്ച്‌ ശതമാനം ഇടിഞ്ഞപ്പോൾ സിംഗപ്പൂർ, ചൈനീസ്‌ വിപണികളിലും ഓപ്പറേറ്റർമാർ റബർ അവധിയിൽ ലോങ്‌ കവറിങിന്‌ മത്സരിച്ചു. യു എസ്‌ താരീഫ്‌ ഭീഷണികളും ക്രൂഡ്‌ ഓയിൽ ഉൽപാദനം ഒപ്പെക്ക്‌ പ്ലെസ്‌ ഉയർത്തുമെന്ന വെളിപെടുത്തലും സ്വാഭാവിക റബറിനെയും കൃത്രിമറബറിനെയും തളർത്തി. വാരാന്ത്യത്തിലെ 312 യെന്നിൽ നിന്നും റബർ ഇന്ന്‌ കിലോ 320 വരെ ഉയർന്നു, വിപണിയുടെ ചലനങ്ങൾ കണക്കിലെടുത്താൽ വില 327 യെൻ വരെ മുന്നേറാം. തായ്‌ലൻഡിലെ ഷീറ്റുവില കിലോ 180 രൂപയിൽ നിന്നും 178 ലേയ്‌ക്ക്‌ ഇടിഞ്ഞു. സംസ്ഥാനത്തിന്റെ പല ഭാഗങ്ങളിലും കനത്ത മഴ പ്രവചിച്ചെങ്കിലും മധ്യകേരളത്തിൽ അനുഭവപ്പെട്ട തെളിഞ്ഞ കാലാവസ്ഥ തുടർന്നാൽ റബർ ടാപ്പിങ് വരും ദിനങ്ങളിൽ