മഴക്കാലത്ത് നാം ശ്രദ്ധിക്കേണ്ട അസുഖങ്ങളും കഴിക്കേണ്ട ഭക്ഷണങ്ങളും എന്തൊക്കെയാണെന്ന് അറിയാം.

5/8/25

ജോലി സംബന്ധമായി പുറത്തുപോകുന്നവരോ പറമ്പിൽ പണിയെടുകയോ ചെയ്യുന്നവർക്ക് പനിയും ശ്വാസംമുട്ടലും ജലദോഷവും വരാനുള്ള സാധ്യത കൂടുതലാണ്. മഴ നനഞ്ഞോ, വെള്ളത്തിൽനിന്നോ ജോലി ചെയ്യുന്നവർക്ക് വയറിനാണ് അസുഖം വരുക, ഒപ്പം ഛർദിയും വയറിളക്കവും ഉണ്ടായേക്കാം. കിണറ്റിലെ വെള്ളം കുടിക്കുമ്പോൾ ചൂടാക്കി കുടിക്കാൻ ശ്രദ്ധ വേണം. രോഗാണുക്കളുടെ ശല്യത്തിൽ നിന്ന് രക്ഷ നേടാനാണിത്. പുറത്തു പോകുന്നവരിൽ ഉണ്ടാകുന്ന പ്രധാന പ്രശ്നം, എലി, പെരുച്ചാഴി, പാമ്പുകൾ, കീടങ്ങൾ, ക്ഷുദ്രജീവികൾ എന്നിവയുടെ ഉപദ്രവമാണ്. കനത്ത മഴയിൽ ഈ ജീവികളുടെ മാളങ്ങളിൽ വെള്ളം കയറുന്നതിനാലാണ് ഇവ കൂടുതലായി പുറത്തു കാണപ്പെടുന്നത്. കടിയേൽക്കാതെ സൂക്ഷിക്കേണ്ടത് സ്വന്തം ഉത്തരവാദിത്വമാണ്.