ആഗോള റബർ ഉൽപാദകരെ ഞെട്ടിച്ച്‌ ഷീറ്റുവില വീണ്ടും ഇടിഞ്ഞു

2/8/25

. ചൈനീസ്‌ ഡിമാൻഡ് പ്രതീക്ഷയ്‌ക്കൊത്ത്‌ ഉയരാതിരുന്നത്‌ റെഡി‐ അവധി വ്യാപാര രംഗത്ത്‌ നിന്നും വാങ്ങലുകാരെ പിന്നോക്കം വലിച്ചു. ആറ്‌ ആഴ്‌ചകളിലെ തുടർച്ചയായ ബുൾ റാലിക്ക്‌ ശേഷം ജപ്പാൻ ഒസാക്ക എക്‌സ്‌ചേഞ്ചിൽ ഈ വാരം ഉൽപന്ന വില ഇടിഞ്ഞു. ജപ്പാനിലെ തളർച്ച ചൈനീസ്‌ മാർക്കറ്റായ ഷാങ്‌ഹായ്‌ ഫ്യൂച്ചേഴ്‌സിലും സിംഗപ്പൂർ എക്‌സ്‌ചേഞ്ചിലും പ്രതിഫലിച്ചു. മുഖ്യ കയറ്റുമതി വിപണിയായ ബാങ്കോക്കിൽ ഈ വാരം റബറിന്‌ കിലോ 16 രൂപയാണ്‌ ഇടിഞ്ഞത്‌, വാരത്തിന്റെ തുടക്കത്തിൽ 196 രൂപയിൽ നീങ്ങിയ റബർ 180 ലേയ്‌ക്ക്‌ തളർന്നു. ഇതിനിടയിൽ മഴ മാറി കാലാവസ്ഥ തെളിഞ്ഞത്‌ ടാപ്പിങിന്‌ ഊർജം പകരാം. സംസ്ഥാനത്ത്‌ നാലാം ഗ്രേഡ്‌ റബർ കിലോ 202 രൂപയിലും അഞ്ചാം ഗ്രേഡ്‌ 198 രൂപയിലും വിപണനം നടന്നു.