10 മിനിറ്റ് ഇടവേള നൽകണമെന്ന ശുപാർശ അവഗണിച്ചു

25/7/25

തിരുവനന്തപുരം∙ വിദഗ്ധ സമിതി നിർദേശമനുസരിച്ച്, ഹൈസ്കൂളുകളിൽ പ്രവൃത്തിസമയം അരമണിക്കൂർ നീട്ടിയ സർക്കാർ മുഴുവൻ ക്ലാസുകളിലും ഉച്ചയ്ക്കു ശേഷമുള്ള ഇടവേള 10 മിനിറ്റാക്കി ഉയർത്തണമെന്ന ശുപാർശ അവഗണിച്ചു. വൈകിട്ട് 3ന് ഉള്ള ഇടവേള 5 മിനിറ്റ് മാത്രമായതിനാൽ പെൺകുട്ടികൾക്കു ശുചിമുറി ഉപയോഗിക്കാൻ ബുദ്ധിമുട്ട് നേരിടുന്നുവെന്ന് വിദ്യാർഥികളുമായും സ്കൂൾ കൗൺസലർമാരുമായും നടത്തിയ ആശയവിനിമയത്തിൽ ബോധ്യപ്പെട്ടെന്ന് അക്കാദമിക് കലണ്ടർ സംബന്ധിച്ചു പഠിച്ച വിദഗ്ധസമിതി സർക്കാരിനു നൽകിയ റിപ്പോർട്ടിൽ വ്യക്തമാക്കുന്നുണ്ട്. ഈ സാഹചര്യത്തിൽ രാവിലെ 11ന് ഉള്ള ഇടവേള പോലെ 10 മിനിറ്റാക്കി കൂട്ടണമെന്നായിരുന്നു ശുപാർശ.