വൃക്കരോഗത്തിന്റെ ചില ലക്ഷണങ്ങളെ അറിയാം

23/7/25

∙ തുടർച്ചയായ ക്ഷീണവും ഉന്മേഷക്കുറവും വൃക്കയുടെ പ്രവർത്തനം ശരിയായി നടക്കാതെ വരുമ്പോൾ മലിനവസ്തുക്കൾ രക്തത്തിൽ അടിഞ്ഞു കൂടാൻ തുടങ്ങും. ഇത് ക്ഷീണവും ഉന്മേഷക്കുറവും ഉണ്ടാക്കും. ഒപ്പം ഒരു കാര്യത്തിലും ശ്രദ്ധിക്കാൻ പറ്റാതെയും വരും. വൃക്കകൾ ഉൽപാദിപ്പിക്കുന്ന ഹോർമോൺ ആയ എറിത്രോപോയറ്റിന്റെ ഉൽപാദനം കുറയും. അരുണരക്തകോശങ്ങളുടെ ഉൽപാദനത്തിൽ സഹായിക്കുന്ന ഹോർമോണ്‍ ആണിത്. ഇതുമൂലം വിളർച്ച, ക്ഷീണം, ശ്വാസതടസ്സം ഇവയുണ്ടാകും. പലപ്പോഴും പ്രായമായതുകൊണ്ട് ഉണ്ടാകുന്ന ക്ഷീണമായി ഇത് തെറ്റിദ്ധരിക്കപ്പെടാം. ∙ മൂത്രത്തിനുണ്ടാകുന്ന വ്യത്യാസം മൂത്രം പോകുന്നതിലുണ്ടാകുന്ന വ്യത്യാസങ്ങൾ വൃക്കപ്രശ്നങ്ങളുടെ ആദ്യലക്ഷണമാണ്. രാത്രിയിൽ മൂത്രമൊഴിക്കുന്നതോ (nocturia) പതഞ്ഞതോ കുമിളകളായോ മൂത്രം പോകുന്നതോ, മൂത്രത്തിൽ രക്തം കാണപ്പെടുന്ന അവസ്ഥ (hematuria)യോ മൂത്രം കടുത്ത നിറത്തിൽ പോകുന്നതോ ആകാം. ഈ മാറ്റങ്ങൾ അത്രപ്രശ്നമല്ല എന്ന് തോന്നിയാലും ഇത് വൃക്കപ്രശ്നങ്ങളുടെ ആരംഭലക്ഷണങ്ങളാവാം. അതുകൊണ്ടു തന്നെ ഇവയെ അവഗണിക്കരുത്.