പ്ലസ് വൺ മെറിറ്റ്: സപ്ലിമെന്ററി അലോട്മെന്റ് ഇന്ന്

15/7/25

തിരുവനന്തപുരം∙ പ്ലസ് വൺ മെറിറ്റ് സീറ്റ് പ്രവേശനത്തിനുള്ള രണ്ടാം സപ്ലിമെന്ററി അലോട്മെന്റ് ലിസ്റ്റ് ഇന്ന് വൈകിട്ട് പ്രസിദ്ധീകരിക്കും. 14,056 പേരാണ് അപേക്ഷിച്ചിരിക്കുന്നത്. 29,069 സീറ്റുകൾ ബാക്കിയുണ്ട്. അലോട്മെന്റ് ലഭിക്കുന്നവർക്ക് നാളെയും മറ്റന്നാളുമായി പ്രവേശനം നേടാം. തുടർന്നു നടക്കുന്ന ട്രാൻസ്ഫർ അലോട്മെന്റിന് 19 മുതൽ അപേക്ഷിക്കാം. 25ന് ട്രാൻസ്ഫർ അലോട്മെന്റ് പ്രസിദ്ധീകരിക്കും. തുടർന്ന് ഒഴിവുള്ള സീറ്റുകളിൽ സ്പോട് അഡ്മിഷൻ നടക്കും. ഇതിനും ഓൺലൈൻ ആയി അപേക്ഷിക്കണം. ഓരോ സ്കൂളുകളിലെയും സീറ്റുകളിലേക്ക് അപേക്ഷിക്കുന്നവരുടെ റാങ്ക് പട്ടിക പ്രസിദ്ധീകരിക്കും. ജൂലൈ 31ന് പ്രവേശനം അവസാനിക്കും.