പവന് 120 രൂപ കൂടി

14/7/2025

Jerin P Thomas

കൊച്ചി : സംസ്ഥാനത്ത് സ്വർണവിലയിൽ നേരിയ വർധന. പവന് ഇന്ന് 120 രൂപ വർധിച്ച് വില 73,240 ആയി. കഴിഞ്ഞ രണ്ട് ദിവസങ്ങളായി 73,120 രൂപയായിരുന്നു പവൻ്റെ വില. ഗ്രാമിന് 15 രൂപ കൂടി 9,155 രൂപയായി. അഞ്ച് ശതമാനം പണിക്കൂലിയും നികുതിയും ഉൾപ്പെടെ ഒരുപവന് 78,000ത്തോളം രൂപ നൽകേണ്ടി വരും. 24 കാരറ്റിന് പവന് 79,904 രൂപയും ഗ്രാമിന് 9,988 രൂപയുമാണ് വില. 18 കാരറ്റിന് പവന് 59,928 രൂപയും ഗ്രാമിന് 7,491 രൂപയുമാണ് വില. ജനുവരി 22നാണ് സ്വർണവില ആദ്യമായി 60,000 കടന്നത്. തുടർന്ന് ഫെബ്രുവരി 11ന് പവൻ വില 64,000 കടന്നിരുന്നു. മാർച്ച് 14ന് 65,000 കടന്ന വില ഏപ്രിൽ 12നാണ് ആദ്യമായി 70,000 കടന്നത്. തുടർന്ന് ഏപ്രിൽ 17ന് പവൻ വില 71,000ഉം ഏപ്രിൽ 22ന് വില 74,000ഉം കടന്നു.