സിനിമയിൽ ‘വില്ലൻ’, ഹൃദയത്തിൽ കർഷകൻ; ആദ്യ സിനിമയിലൂടെ വാങ്ങിയത് ട്രാക്ടർ: മേഘനാഥനെക്കുറിച്ച് ലാൽ ജോസ്

11/7/25

മലയാള സിനിമയിൽ ശ്രദ്ധേയമായ ശബ്ദവും ഭാവവും ആയിരുന്നു മേഘനാഥൻ. വില്ലൻ വേഷങ്ങളിലൂടെ പ്രേക്ഷക മനസ്സിൽ അദ്ദേഹം മായാത്ത മുഖമാണെങ്കിലും, ഉള്ളിൽ കൃഷിയോടും ഭൂമിയോടും അതീവ സ്നേഹമുള്ള ആളായിരുന്നു അദ്ദേഹം. ആദ്യ സിനിമയിൽനിന്നുള്ള വരുമാനം കൊണ്ട് വാങ്ങിയത് ട്രാക്ടർ ആയിരുന്നു. അതുകൊണ്ട് പാടത്തും പറമ്പിലും ഉഴുതു നടക്കാൻ താൽപര്യമുള്ള കർഷകനായിരുന്നു അദ്ദേഹം എന്ന് പ്രശസ്ത സംവിധായകനായ ലാൽ ജോസ് തന്റെ യൂട്യൂബ് ചാനലിലൂടെ പങ്കുവച്ചു. മേഘനാഥന്റെ അഭിനയജീവിതം ആരംഭിച്ചത് എംടി.വാസുദേവൻ നായരുടെ പഞ്ചാഗ്നി എന്ന സിനിമയിലൂടെ ആയിരുന്നു. ഈ സിനിമയിൽനിന്നു ലഭിച്ച പ്രതിഫലത്തിൽനിന്നാണ് ട്രാക്ടർ വാങ്ങിയത്. ഇപ്പോഴും ആ ട്രാക്ടർ മേഘനാഥന്റെ അമ്മവീട്ടിൽ അദ്ദേഹത്തിന്റെ ഓർമയ്ക്കായി സൂക്ഷിച്ചിരിക്കുന്നു എന്ന് ലാൽ ജോസ് പറഞ്ഞു. വളരെ ഗ്രാമീണനായയുള്ള മേഘനാഥൻ കൃഷിയിൽ തൽപ്പരനുമായിരുന്നു