കേരള സർവകലാശാല സിൻഡിക്കറ്റ് യോഗത്തെ സംബന്ധിച്ച് റിപ്പോർട്ട് തേടി ഗവർണർ.

7/7/25

തിരുവനന്തപുരം: കേരള സർവകലാശാല സിൻഡിക്കറ്റ് യോഗത്തെ സംബന്ധിച്ച് റിപ്പോർട്ട് തേടി ഗവർണർ. റജിസ്ട്രാറുടെ സസ്പെന്‍ഷൻ സിൻഡിക്കറ്റ് റദ്ദാക്കിയോ? അദ്ദേഹം ചുമതലയേറ്റോ തുടങ്ങിയ കാര്യങ്ങളിലാണ് ചാൻസലർ കൂടിയായ ഗവർണർ വിസിയുടെ ചുമതലയുള്ള സിസ തോമസിനോട് റിപ്പോർട്ട് തേടിയത്. റജിസ്ട്രാർ കെ.എസ്.അനിൽകുമാറിന്റെ സസ്പെൻഷൻ ഇന്നലെ ചേർന്ന സിൻഡിക്കറ്റ് യോഗം റദ്ദാക്കിയത് നിയമവിരുദ്ധമാണെന്ന നിലപാടിലാണ് വിസി. ഇതനുസരിച്ചുള്ള റിപ്പോർട്ടാകും ഗവർണർക്ക് കൈമാറുക. ഹൈക്കോടതി ഇന്ന് സസ്പെൻഷൻ വിഷയം പരിഗണിക്കുന്നുണ്ട്. ഇതിനിടെ പുതിയ റജിസ്ട്രാറുടെ ചുമതല മിനി കാപ്പന് നൽകി വൈസ് ചാൻസലർ ഉത്തരവായി.ഭാരതാംബയുടെ ചിത്രം പ്രദർശിപ്പിച്ചതിന്റെ പേരിൽ ഗവർണറുടെ പരിപാടി റദ്ദാക്കിയതിനെ തുടർന്നാണ് റജിസ്ട്രാറെ വിസി സസ്പെൻഡ് ചെയ്തത്.