ബ്രസീലിൽ ചാകര! കുത്തനെ ഇടിഞ്ഞ് കാപ്പിവില

20/6/25

ആഗോള വിപണിയിൽ കാപ്പി ആടിയുലയുന്നു. ഉൽപാദനത്തിൽ മുൻനിരയിലുള്ള ബ്രസീലിൽ വിളവെടുപ്പ്‌ പുരോഗമിച്ചതിനൊപ്പം ചരക്കുലഭ്യത പെട്ടെന്നു വർധിച്ചത്‌ വിലയെ ബാധിച്ചു. അറബിക്ക കാപ്പി വില അഞ്ചു മാസത്തെ താഴ്‌ന്ന വില കഴിഞ്ഞ രാത്രി ദശർശിച്ചപ്പോൾ റോബസ്റ്റ കാപ്പി ഒരു വർഷത്ത ഏറ്റവും കുറഞ്ഞ നിലവാരത്തിലും ഇടപാടുകൾ നടന്നു. ബ്രസീലിൽ റോബസ്റ്റ കാപ്പി വിളവെടുപ്പ്‌ 50 ശതമാനം പൂർത്തിയായി. റോബസ്റ്റ വിളവെടുപ്പ്‌ 30 ശതമാനവും പൂർത്തിയായി. വർഷാരംഭത്തിൽ 5700 ഡോളറിൽ ഇടപാടുകൾ നടന്ന റോബസ്റ്റ കാപ്പിവില ഇതിനകം 3887 ഡോളറിലേക്ക്‌ ഇടിഞ്ഞു. വയനാടൻ കാപ്പി പരിപ്പ്‌ കിലോ 380 രൂപയിലാണ്‌ ഇവിടെ വ്യാപാരം നടക്കുന്നത്‌. അന്താരാഷ്‌ട്ര മാർക്കറ്റിലെ സ്ഥിതിഗതികൾ വിലയിരുത്തിയാൽ കയറ്റുമതിക്കാർ ചുവടു മാറ്റിച്ചവിട്ടാൻ ഇടയുണ്ട്‌.