അഹമ്മദാബാദ് അപകടത്തിനു സമാനമായ ‘ഫൈനൽ ഡെസ്റ്റിനേഷൻ’,

13/6/25

വിമാനത്താവളത്തിന്റെ റൺവേയിൽ നിന്ന് ടേക്ക് ഓഫ് ചെയ്ത വിമാനം പറന്നുയർന്ന് നിമിഷങ്ങൾക്കുള്ളിൽ ആകാശത്ത് ഒരു തീഗോളമായി മാറുന്നു. വിമാനത്തിലുണ്ടായിരുന്നവർ ഒന്നൊഴിയാതെ അപകടത്തിൽ കൊല്ലപ്പെടുന്നു. ആ അപകടത്തിൽ നിന്ന് രക്ഷപ്പെടുന്നത് അന്നേദിവസം ആ വിമാനത്തിൽ കയറാൻ സാധിക്കാത്തവർ മാത്രം! 2000ൽ പുറത്തിറങ്ങിയ ഹോളിവുഡ് ചിത്രം ഫൈനൽ ഡെസ്റ്റിനേഷന്റെ കഥയാണ് മുകളിൽ വിവരിച്ചത്. അഹമ്മദാബാദിലെ വിമാന ദുരന്തത്തെ പലരും താരതമ്യം ചെയ്തത് ഹോളിവുഡ് ചിത്രം ഫൈനൽ ഡെസ്റ്റിനേഷനുമായാണ്. റെഡ്ഡിക്കിന്റെ കഥയെ ആസ്പദമാക്കി ജെയിംസ് വോങ് സംവിധാനം ചെയ്ത ഹൊറർ ചിത്രമാണ് ‘ഫൈനൽ ഡെസ്റ്റിനേഷൻ’. കാൽനൂറ്റാണ്ട് മുൻപ് പുറത്തിറങ്ങിയ ഹോളിവുഡ് സിനിമയുടെ കഥാഗതിയുമായി ചെറുതല്ലാത്ത സാമ്യമുണ്ട് അഹമ്മദാബാദിലെ ആകാശദുരന്തത്തിന്. മാത്രവുമല്ല, നടുക്കുന്ന ചില യാദൃച്ഛികതകളും ഇപ്പോൾ പുറത്തു വരുന്നു