പ്രേക്ഷക പ്രതികരണം അറിയാൻ മുഖംമൂടി ധരിച്ച് അക്ഷയ്കുമാർ

9/6/25

editor

ഏറ്റവും പുതിയ ചിത്രം ‘ഹൗസ്ഫുൾ 5’ന്റെ പ്രേക്ഷക പ്രതികരണം അറിയാൻ നേരിട്ടെത്തി ബോളിവുഡ് താരം അക്ഷയ്കുമാർ. സിനിമ കണ്ടിറങ്ങിയ പ്രേക്ഷകർക്കു മുൻപിൽ മാസ്ക് ധരിച്ചായിരുന്നു താരം പ്രത്യക്ഷപ്പെട്ടത്. കയ്യിലൊരു മൈക്കും പിടിച്ച് അക്ഷയ്കുമാർ ആണെന്ന് തിരിച്ചറിയാതെ പ്രേക്ഷകർ സിനിമയെക്കുറിച്ചുള്ള അവരുടെ പ്രതികരണം നേരിട്ട് അറിയിക്കുകയായിരുന്നു. ആളുകൾ തിരിച്ചറിയുന്നതിന് തൊട്ടുമുൻപ് അവിടെ നിന്നും രക്ഷപ്പെട്ടു എന്നായിരുന്നു വിഡിയോ പങ്കുവച്ച് താരം സമൂഹമാധ്യമങ്ങളിൽ കുറിച്ചത്. അക്ഷയ്കുമാറിന്റെ വാക്കുകൾ: ബാന്ദ്രയിൽ ഇന്ന് ഹൗസ്ഫുൾ5 ഷോയിൽ നിന്ന് പുറത്തിറങ്ങുന്ന ആളുകളെ കില്ലർ മാസ്ക് ധരിച്ച് അഭിമുഖം നടത്താൻ ഞാൻ തീരുമാനിച്ചു. അവസാനം പിടിക്കപ്പെടേണ്ടതായിരുന്നു. പക്ഷേ, അതിനു തൊട്ടുമുൻപ് ഓടി രക്ഷപ്പെട്ടു. രസകരമായ അനുഭവമായിരുന്നു.