മണ്‍സൂണിലെ രത്നം; കാട്ടിനുള്ളിലൂടെയുള്ള ട്രെയിന്‍ യാത്ര, മനംനിറയ്ക്കും ഈ മഴക്കാല ട്രെക്കിങ്

4/6/25

editor

നല്ല മഴയത്ത് കാടിന്‍റെ ഹൃദയത്തിലൂടെ കുതിരപ്പുറത്തേറി ഒരു സവാരി. മരങ്ങള്‍ മഞ്ഞു നിശ്വസിക്കുകയാണെന്ന് തോന്നുംപോലെ അവയ്ക്ക് ചുറ്റും തണുപ്പുള്ള പുകവലയങ്ങള്‍... മേഘങ്ങളെ ഗര്‍ഭം ധരിച്ച കടുംപച്ച താഴ്വരകള്‍... കാറ്റടിക്കുമ്പോള്‍ മുകളിലേക്കു തിരിച്ചു കയറുന്ന മാന്ത്രിക വെള്ളച്ചാട്ടങ്ങള്‍...കാട്ടിനുള്ളിലൂടെ ചൂളംവിളിയുമായി പാഞ്ഞുപോകുന്ന ഒരു ഒറ്റ ട്രെയിന്‍... എത്ര നടന്നാലും കാലടികള്‍ക്ക് ക്ഷീണം തോന്നാത്തത്ര മനോഹരമായ കാഴ്ചകള്‍ കണ്ണില്‍ നിറയുന്നു. ഇതാണ് മതേരന്‍. മഹാരാഷ്ട്രയുടെ മണ്‍സൂണ്‍ രത്നം. തിരക്കുകളില്‍ നിന്നും ഒളിച്ചോടി ആത്മാവിനെ വീണ്ടെടുക്കാന്‍ സ്വര്‍ഗം പോലൊരിടം.