രണ്ട് മത്തങ്ങയ്ക്ക് വില 5 ലക്ഷത്തിലധികം രൂപ

28/5/25

Editor

ടോക്കിയോ: രണ്ട് മത്തങ്ങയ്ക്ക് വില 5 ലക്ഷത്തിലധികം രൂപ. കേട്ട് ഞെട്ടേണ്ട, ജപ്പാനിലെ രണ്ട് പേരാണ് ലേലത്തിലൂടെ 1 മില്യൻ യെൻ (7,000 ഡോളർ) കൊടുത്ത് മത്തങ്ങ വാങ്ങി വാർത്തകളിൽ ഇടം നേടിയിരിക്കുന്നത്. ഏതാണ്ട് 5,97,152 ഇന്ത്യൻ രൂപ വരുമിത്. വെറും മത്തങ്ങയല്ലിത്. ജപ്പാനിലെ പ്രശസ്തമായ വേനൽക്കാല പഴങ്ങളിലൊന്നായ യൂബറി മത്തങ്ങയാണിത്. ജപ്പാനിലെ സപ്പോറോ സെൻട്രൽ ഹോൾസെയിൽ മാർക്കറ്റിലെ ഈ വർഷത്തെ ആദ്യ ലേലമാണിത്. കഴിഞ്ഞ വർഷത്തേക്കാൾ 2 മില്യൻ യെൻ കുറവാണ് ഇത്തവണത്തെ ലേലത്തുക. 2024 സീസണിലെ ആദ്യ ലേലത്തിൽ 3 മില്യൻ യെൻ (19,000 ഡോളർ) തുകയ്ക്കാണ് ഒരു ജോഡി യൂബറി മത്തങ്ങ വിറ്റത്.