രാശിമാറി വ്യാഴവും ശനിയും; രാജകീയ നേട്ടങ്ങൾ 9 നക്ഷത്രക്കാർക്ക്, സമ്പൂർണഫലം

23/5/25

Editor

ജ്യോതിഷത്തിൽ പരിഗണിക്കപ്പെടുന്നതും മനുഷ്യജീവിതത്തെ സാരമായി ബാധിക്കുന്നതുമായി കരുതപ്പെടുന്ന 9 ഗ്രഹങ്ങളിൽ വളരെ സാവധാനം സഞ്ചരിക്കുകയും വർഷത്തിലൊരിക്കലും രണ്ടര വർഷത്തിലൊരിക്കലും രാശിമാറ്റം നടത്തുകയും ചെയ്യുന്ന പ്രധാനപ്പെട്ട രണ്ട് ഗ്രഹങ്ങളാണ് വ്യാഴവും ശനിയും. ഈ രണ്ടു ഗ്രഹങ്ങളുടെയും രാശിമാറ്റത്താൽ പ്രാധാന്യം നിറഞ്ഞ വർഷമാണ് 2025. നവഗ്രഹങ്ങളിൽ വെച്ച് മനുഷ്യ ജീവിതത്തെ ഏറ്റവും സ്വാധീനിക്കാൻ കഴിവുള്ള ശനി കഴിഞ്ഞ രണ്ടര വർഷമായി താൻ സഞ്ചരിച്ചുകൊണ്ടിരുന്ന കുംഭം രാശി വെടിഞ്ഞ് മീനം രാശിയിലേക്ക് പ്രവേശിച്ചിരിക്കുകയാണ് 2025 മാർച്ച് മാസം 29ന് രാത്രി10 മണി 39 മിനിറ്റിന് ശനി മീനം രാശിയിൽ പ്രവേശിച്ചത്. അതുപോലെ വ്യാഴം 2025 മേയ് 14ന് രാത്രി 3.26ന് ഇടവത്തിൽ നിന്നും മിഥുനത്തിലേക്ക് രാശി മാറി.