അന്ന് വീട്ടിൽ വെറുതെ വലിച്ചെറിയുന്ന സാധനം; ഇന്ന് വിപണിയിൽ വൻഡിമാൻഡ്; വിറ്റ് കാശാക്കാം!

23/5/25

Editor

പൊട്ടിയതും പഴകിയതുമായ സാധനങ്ങൾ ശേഖരിക്കാൻ വീടുകളിൽ എത്തുന്നവർ ഇപ്പോൾ പതിവായി ചോദിക്കുന്നത് ചിരട്ടകളുണ്ടോ എന്നാണ്. പറമ്പിലേക്ക് വലിച്ചെറിഞ്ഞും അടുപ്പ് കത്തിക്കാൻ ആവശ്യക്കാർക്ക് വെറുതെ കൊടുത്തും പാഴാക്കിക്കളഞ്ഞ ചിരട്ടകൾ സൂക്ഷിച്ചുവച്ചാൽ പ്രതിമാസം തരക്കേടില്ലാത്ത ഒരു തുക വരുമാനം നേടാമെന്ന അവസ്ഥയിൽ കാര്യങ്ങൾ എത്തിയിട്ടുണ്ട്. വ്യത്യസ്ത വ്യവസായങ്ങളിൽ നിന്നായി ചിരട്ടയ്ക്ക് ഡിമാൻഡ് ഉയർന്നതോടെ വില 300 ശതമാനമാണ് വർധിച്ചിരിക്കുന്നത്. മൂന്നോ നാലോ മാസം കൊണ്ട് ചിരട്ട താരമായെന്ന് പറയാം. ആക്രി സാധനങ്ങൾ ശേഖരിക്കാൻ വരുന്നവർ പോലും ചിരട്ടയ്ക്ക് കിലോയ്ക്ക് 30 വരെ ഇപ്പോൾ നൽകുന്നുണ്ട്. വിദേശ വിപണികളിൽ ചിരട്ടക്കരിക്ക് വ്യാവസായിക ഉൽപന്നത്തിന്റെ പരിവേഷം കിട്ടിയതാണ് പെട്ടെന്നുള്ള ഈ ഡിമാൻഡിന് കാരണം. ഉത്തേജിത കൽക്കരി ഉൽപാദനം, കരകൗശല മേഖല, വീടുകളുടെ അലങ്കാരം, പരിസ്ഥിതി സൗഹൃദ പാക്കേജിങ് , ജൈവ ഇന്ധന വ്യവസായം എന്നിവിയലിലെല്ലാം ചിരട്ടയും ചിരട്ടക്കരിയും വലിയതോതിൽ ഉപയോഗിക്കപ്പെടുന്നു.