ലോകത്തിലെ ഏറ്റവും വലിയ എഐ ഡേറ്റാ സെന്റർ അബുദാബിയിൽ ഒരുങ്ങുന്നു; ചാറ്റ് ജിപിടി സേവനങ്ങളുടെ ആദ്യ രാജ്യമാകാൻ യുഎഇ

23/5/25

Editor

അബുദാബി :ലോകത്തിലെ ഏറ്റവും വലിയ ആർട്ടിഫിഷ്യൽ ഇന്റലിജൻസ് (എഐ) ഡേറ്റാ സെന്റർ 2026ൽ അബുദാബിയിൽ സ്ഥാപിക്കും. ഓപ്പൺ എഐയുടെ അത്യാധുനിക എഐ ഇൻഫ്രാസ്ട്രക്ചർ പ്ലാറ്റ്​ഫോമായ സ്റ്റാർഗേറ്റ് ആണ് ഇതിനു ചുക്കാൻ പിടിക്കുക. ഇതോടെ രാജ്യവ്യാപകമായി ഓപ്പൺ എഐയുടെ ചാറ്റ്ജിപിടി സേവനങ്ങളെല്ലാം വാഗ്ദാനം ചെയ്യുന്ന ആദ്യത്തെ രാജ്യമായി യുഎഇ മാറും.എഐ സാങ്കേതികവിദ്യയിൽ ആഗോള നേതാവാകാനുള്ള യുഎഇയുടെ പ്രയാണത്തിലെ നിർണായക ചുവടുവയ്പായിരിക്കും ഈ പദ്ധതി. ജി42, ഒറാക്കിൾ, എൻവിഡിയ, സിസ്കോ, സോഫ്റ്റ്ബാങ്ക് എന്നിവ ഉൾപ്പെടെ ടെക് വ്യവസായത്തിലെ പ്രധാന കമ്പനികളുമായി സഹകരിച്ചാണ് പുതിയ സൗകര്യം വികസിപ്പിക്കുന്നത്.