പേവിഷബാധ: കടിയേറ്റയുടനെ കുത്തിവയ്പ്പെടുക്കണം; അറിയാം രോഗലക്ഷണങ്ങൾ ആരോഗ്യം ഡെസ്ക്

8/5/25

Writer V

പേവിഷമേറ്റാൽ റാബ്ഡൊ ഗണത്തിൽ പെട്ട (Rhabdovirus) വൈറസുകളാണ് പേവിഷബാധയുണ്ടാക്കുന്നത്. രോഗബാധയുണ്ടായ ജീവികളിൽ രോഗലക്ഷണങ്ങൾ കണ്ടുതുടങ്ങുന്നതിന് ഏതാനും ദിവസങ്ങൾക്കു മുമ്പുതന്നെ രോഗാണുക്കൾ അവയുടെ ഉമിനീരിൽ പ്രത്യക്ഷപ്പെടും. ഈ മൃഗങ്ങൾ നമ്മെ കടിക്കുകയോ ചെറിയ മുറിവുകളുള്ള ഭാഗത്തു നക്കുകയോ ചെയ്താൽ അതുവഴി രോഗാണുക്കൾ നമ്മുടെ ശരീരത്തിൽ പ്രവേശിക്കും. വിഷബാധയേറ്റ മൃഗങ്ങൾക്ക് അക്രമസ്വഭാവം കൂടും. എപ്പോഴും ദേഷ്യം കാണിക്കും. കുരച്ചുകൊണ്ടിരിക്കും. ശബ്ദത്തിലും മാറ്റം വരും. രോഗം മൂർഛിക്കുന്നതോടെ നാക്ക് വെളിയിലേക്കു നീണ്ടുവരും. വായിൽനിന്നു ധാരാളം ഉമിനീർ ഒലിച്ചുകൊണ്ടിരിക്കും. ക്രമേണ ശക്തിയും ഉത്സാഹവും കുറഞ്ഞ് ശരീരം തളർന്നുപോകും. ചില നായ്ക്കൾ ഈ ലക്ഷണങ്ങളൊന്നും കാണിച്ചില്ലെന്നും വരാം. പശുവിനും ആടിനും പേ ബാധിക്കാറുണ്ട്.