ജില്ലയിൽ മഞ്ഞപ്പിത്തം (ഹെപ്പറ്റൈറ്റിസ് എ) ബാധിച്ചവരുടെ എണ്ണത്തിൽ വർധന.

5/5/25

Editor

തൊടുപുഴ : ജില്ലയിൽ മഞ്ഞപ്പിത്തം (ഹെപ്പറ്റൈറ്റിസ് എ) ബാധിച്ചവരുടെ എണ്ണത്തിൽ വർധന. ഏപ്രിലിൽ 18 പേർക്കാണ് രോഗം സ്ഥിരീകരിച്ചത്. കുമാരമംഗലം പഞ്ചായത്തിലാണ് കൂടുതൽ കേസുകൾ. ഇവിടെ പ്രതിരോധ പ്രവർത്തനങ്ങൾ ശക്തമാക്കിയതായി ജില്ലാ സർവൈലൻസ് ഓഫിസർ ഡോ.ജോബിൻ ജി.ജോസഫ് പറഞ്ഞു. മലിനമായ കുടിവെള്ളത്തിന്റെ ഉപയോഗമാണ് രോഗവ്യാപനത്തിനു കാരണമായി കണ്ടെത്തിയതെന്നും അദ്ദേഹം പറഞ്ഞു. മഞ്ഞപ്പിത്തം പടർന്നു പിടിക്കാതിരിക്കാൻ, ജനങ്ങൾ ജഗ്രത പലിക്കണമെന്ന് ആരോഗ്യവകുപ്പ് നിർദ്ദേശം നൽകിയിട്ടുണ്ട്. തിളപ്പിച്ചാറിയ വെള്ളം മാത്രം കുടിക്കാൻ ഉപയോഗിക്കുക. പുറത്തുനിന്നു ശീതളപാനീയങ്ങളും ഭക്ഷണവും കഴിക്കുമ്പോൾ കൂടുതൽ ശ്രദ്ധിക്കണം.