കോഴിക്കോട് മെഡിക്കൽ കോളജിലെ തീപിടിത്തത്തിൽ പ്രതികരണവുമായി മുഖ്യമന്ത്രി പിണറായി വിജയൻ.

3/5/25

Editor

കോഴിക്കോട്‌: കോഴിക്കോട്‌ മെഡിക്കൽ കോളേജിലെ അത്യാഹിത വിഭാഗത്തിൽ ഷോർട്ട്‌ സർക്യൂട്ടിനെ തുടർന്ന്‌ യുപിഎസിൽനിന്ന് പുക ഉയർന്ന സംഭവം സാധാരണ ഗതിയില്‍ സംഭവിക്കാന്‍ പാടില്ലാത്തൊരുകാര്യമാണെന്ന് മുഖ്യമന്ത്രി പിണറായി വിജയൻ. എന്താണ് സംഭവിച്ചത് എന്നതിനെ കുറിച്ച് ഇലക്ടിക്കല്‍ ഇന്‍പെക്ടറേറ്റിന്റെ അന്വേഷണം നടക്കേണ്ടതുണ്ട്. അതിന് ശേഷമേ കൃത്യമായ കാര്യങ്ങള്‍ കണ്ടെത്താനാവൂ എന്ന് അദ്ദേഹം പറഞ്ഞു. ആരോഗ്യമന്ത്രി വീണാ ജോര്‍ജ് കോഴിക്കോട് മെഡിക്കല്‍ കോളേജിലേക്ക് പോയിട്ടുണ്ടെന്നും. അവരുടെ സന്ദര്‍ശനം കഴിഞ്ഞതിന് ശേഷം ബാക്കി കാര്യങ്ങള്‍ തീരുമാനിക്കുമെന്നും മുഖ്യമന്ത്രി കൂട്ടിചേർത്തു.