സ്വർണവിലയിൽ നേരിയ ഇടിവ്: പവൻ വില 71,000ത്തിലേക്ക്

30/4/25

Adam john P

കൊച്ചി : സംസ്ഥാനത്ത് സ്വർണവിലയിൽ നേരിയ കുറവ്. പവന് ഇന്ന് 496 രൂപ കുറഞ്ഞ് സ്വർണവില വീണ്ടും 71,000ത്തിലേക്കെത്തി. ഇന്ന് 71,520 രൂപയിലാണ് സ്വർണവ്യാപാരം നടക്കുന്നത്. കഴിഞ്ഞ ദിവസം 72,000ത്തിനു മുകളിലായിരുന്നു സ്വർണവില. ​ഗ്രാമിന് 62 രൂപ കുറഞ്ഞ് വില 8,940 ആയി.കുറച്ചുദിവസങ്ങളായി സ്വർണവില 72,000ത്തിലാണ് തുടർന്നിരുന്നത്.24 കാരറ്റിന് പവന് 78,024 രൂപയും ​ഗ്രാമിന് 9,753 രൂപയുമാണ് വില. 18 കാരറ്റിന് പവന് 58,520 രൂപയും ​ഗ്രാമിന് 7,315 രൂപയുമാണ് വില. ജനുവരി 22നാണ് സ്വർണവില ആദ്യമായി 60,000 കടന്നത്. തുടർന്ന് ഫെബ്രുവരി 11ന് പവൻ വില 64,000 കടന്നിരുന്നു. മാർച്ച് 14ന് 65,000 കടന്ന വില 5 ദിവസങ്ങൾ കൊണ്ട് വർധിച്ച് മാർച്ച് 18ന് 66,000 കടന്നു. ഏപ്രിൽ ഒന്നിനാണ് പവൻ വില ആദ്യമായി 68,000 കടന്നത്. ഏപ്രിൽ 11ന് വില 69,000കടന്നു. ഈ മാസം 12നാണ് പവൻ വില ആദ്യമായി 70,000 കടന്നത്. ​തുടർന്ന് 17ന് പവൻ വില 71,000ഉം 22ന് വില 74,000ഉം കടന്നു.