ഐഐഎം കൊച്ചി ക്യാംപസിൽ 4 വർഷ ബിരുദം; മേയ് 22 വരെ അപേക്ഷിക്കാം

30/4/25

Writer V

കോഴിക്കോട് : ഐഐഎം 4 വർഷ മുഴുവൻ സമയ ബിരുദ കോഴ്സ് തുടങ്ങുന്നു. ബാച്‌ലർ ഓഫ് മാനേജ്മെന്റ് സ്റ്റഡീസ് (ഓണേഴ്സ് വിത്ത് റിസർച്) കോഴ്സാണ് പുതിയ അധ്യയനവർഷത്തിൽ ആരംഭിക്കുന്നത്. ബിരുദതലത്തിൽ കോഴ്സുകൾ കോഴിക്കോട് ഐഐഎം തുടങ്ങുന്നത് ആദ്യമായാണ്. കൊച്ചി ക്യാംപസിലാണ് പുതിയ കോഴ്സ്. മാനേജ്മെന്റിനു പ്രാധാന്യം നൽകി ഇക്കണോമിക്സ്, പബ്ലിക് പോളിസി, നിർമിത ബുദ്ധി, മെഷീൻ ലേണിങ്, സൈക്കോളജി, ബാഹ്യ ശാസ്ത്രം, ഫിനാൻസ്, ബിഗ് ഡേറ്റ, ലിബറൽ സ്റ്റഡീസ് തുടങ്ങിയ വിവിധ വിഷയങ്ങൾ ഉൾപ്പെടുത്തി ദേശീയ വിദ്യാഭ്യാസ നയം അനുസരിച്ച് മാറ്റം വരുത്താവുന്ന രീതിയിൽ ആണ് കോഴ്സുകൾ ക്രമീകരിച്ചിരിക്കുന്നത്.