പശുക്കളുടെയും ആടുകളുടെയും എണ്ണത്തിലുണ്ടായ കുറവിന് വിശദീകരണം നൽകാൻ ജില്ലാ മൃഗസംരക്ഷണ ഓഫിസർമാർക്ക് നോട്ടീസ് നൽകി കേരള മൃഗസംരക്ഷണ വകുപ്പ്.

25/4/25

Editor

സംസ്ഥാനത്ത് 21–ാം ലൈവ്സ്റ്റോക് സെൻസസ് പൂർത്തിയായതിനൊപ്പം പശുക്കളുടെയും ആടുകളുടെയും എണ്ണത്തിലുണ്ടായ കുറവിന് വിശദീകരണം നൽകാൻ ജില്ലാ മൃഗസംരക്ഷണ ഓഫിസർമാർക്ക് നോട്ടീസ് നൽകി കേരള മൃഗസംരക്ഷണ വകുപ്പ്. 2019ലെ സെൻസസിനെ അപേക്ഷിച്ച് സംസ്ഥാനത്ത് 32.15 ശതമാനം കന്നുകാലികളുടെ കുറവാണ് ഉണ്ടായിരിക്കുന്നത്. ആടുകളുടെ എണ്ണത്തിൽ 41.21 ശതമാനമാണ് കുറവ്. ഈ മാസം 15നാണ് സെൻസസിന്റെ ഫീൽഡ്‌തല പ്രവർത്തനങ്ങൾ അവസാനിച്ചത്. 2019ൽ നടന്ന 20–ാം ലൈവ്സ്റ്റോക് സെൻസസ് ഡാറ്റയുമായി താരതമ്യം ചെയ്യുമ്പോൾ കന്നുകാലികളുടെയും ആടുകളുടെയും എണ്ണത്തിൽ ഗണ്യമായ കുറവ് വന്നിരിക്കുന്നതിനാൽ എണ്ണത്തിലുണ്ടായ വ്യതിയാനങ്ങൾക്കു മതിയായ വിശദീകരണം നൽകാനാണ് ഇന്നലെ മൃഗസംരക്ഷണ വകുപ്പ് ഡയറക്ടർ അയച്ച കത്തിൽ നിർദേശിച്ചിട്ടുള്ളത്.