രാമചന്ദ്രന്റെ സംസ്‌കാരം ഇന്ന്‌

25/4/25

Editor

കൊച്ചി: പഹൽഗാം ഭീകരാക്രമണത്തിൽ കൊല്ലപ്പെട്ട എൻ രാമചന്ദ്രന്റെ സംസ്‌കാരം വെള്ളി പകൽ 12ന്‌ ഇടപ്പള്ളി ശ്‌മശാനത്തിൽ നടക്കും. വെള്ളി രാവിലെ ഏഴിന്‌ ചങ്ങമ്പുഴ സാംസ്‌കാരിക കേന്ദ്രത്തിൽ മൃതദേഹം പൊതു ദർശനത്തിന്‌ വെച്ചു. ഒമ്പതുവരെയാണ്‌ പൊതുദർശനം. തുടർന്ന്‌ 11 വരെ മാമംഗലം മങ്ങാട്ട്‌ റോഡിലെ ‘നീരാഞ്ജനം’ വീട്ടിലും മൃതദേഹം പൊതുദർശനത്തിന് വയ്‌ക്കും. ബുധൻ രാത്രി എട്ടിന്‌ നെടുമ്പാശേരി വിമാനത്താവളത്തിൽ എത്തിച്ച മൃതദേഹം സംസ്ഥാന സർക്കാരിനുവേണ്ടി മന്ത്രി പി പ്രസാദ്‌ ഏറ്റുവാങ്ങിയശേഷം റിനൈ മെഡിസിറ്റി മോർച്ചറിയിലേക്ക് മാറ്റിയിരുന്നു. വർഷങ്ങളോളം നീണ്ട പ്രവാസജീവിതം അവസാനിപ്പിച്ച് അഞ്ചുവർഷംമുമ്പാണ് രാമചന്ദ്രൻ നാട്ടിലെത്തിയത്.