ദേശീയപാത നിർമാണത്തിന്റെ വടക്കേ അറ്റത്തെ ആദ്യ റീച്ച്‌ പൂർണ സജ്ജമായതായി മന്ത്രി പി എ മുഹമ്മദ്‌ റിയാസ്‌ പറഞ്ഞു

23/5/25

Editor

കാസർകോട്‌: ദേശീയപാത നിർമാണത്തിന്റെ വടക്കേ അറ്റത്തെ ആദ്യ റീച്ച്‌ പൂർണ സജ്ജമായതായി മന്ത്രി പി എ മുഹമ്മദ്‌ റിയാസ്‌ പറഞ്ഞു. കാസർകോട്‌ ടൗൺ മേൽപ്പാലം വികസനം നേരിട്ടുകണ്ടശേഷം മാധ്യമങ്ങളോട്‌ സംസാരിക്കുകയായിരുന്ന അദ്ദേഹം. ആദ്യറീച്ചായ തലപ്പാടി– ചെങ്കള റീച്ച്‌ 39 കിലോമീറ്ററാണുള്ളത്‌. കരാറുകാരായ ഊരാളുങ്കൽ സൊസൈറ്റി അഭിമാനകരമായ രീതിയിൽ നിർമാണം പൂർത്തിയാക്കി. ദേശീയപാത അതോറിറ്റിയും പൊതുമരാമത്ത്‌ വകുപ്പും ഓരോ രണ്ടാഴ്‌ച കൂടുമ്പോൾ റീച്ച്‌ അവലോകനവും സ്ഥലസന്ദർശനവും കൃത്യമായി നടത്തി. തടസ്സങ്ങൾ അപ്പപ്പോൾ നീക്കി. രണ്ട്‌ മേൽപ്പാലം, നാല്‌ പ്രധാന പാലം, നാല്‌ ചെറിയ പാലം, 21 അടിപ്പാത, 10 മേൽ നടപ്പാലം രണ്ട്‌ ഓവർ പാസ്‌ എന്നിവയാണ്‌ ഈ റീച്ചിലുള്ളത്‌. കാസർകോട്‌ നഗരത്തിലെ 1.12 കിലോമീറ്ററുള്ള ഒറ്റത്തൂൺ മേൽപ്പാലം ഇതിൽ പ്രധാനമാണ്‌. 27 മീറ്റർ വീതിയിൽ ബോക്‌സ്‌ ഗർഡർ മാതൃകയിൽ നിർമിച്ച ആദ്യ ഒറ്റത്തൂൺപാലമാണിത്‌.