ലഹരിക്കെതിരെ സംസ്ഥാനം യുദ്ധം നടത്തുകയാണെന്നുംലഹരിവ്യാപനം തടയാൻ ഏപ്രിൽ 17 ന് സർവകക്ഷിയോഗം ചേരുമെന്ന് മുഖ്യമന്ത്രി

10/4/25

Adam john P

തിരുവനന്തപുരം: ലഹരിക്കെതിരെ സംസ്ഥാനം യുദ്ധം നടത്തുകയാണെന്നും ലഹരിവ്യാപനം തടയാൻ ഏപ്രിൽ 17 ന് സർവകക്ഷിയോഗം ചേരുമെന്ന് മുഖ്യമന്ത്രി. 16ന് വിവിധ മതമേലധ്യക്ഷന്മാരുടെ യോഗം വിളിക്കുമെന്നും വരും തലമുറകളെ കൊടും വിപത്തിൽ നിന്ന് രക്ഷപ്പെടുത്താനുള്ള മഹാ യജ്ഞത്തിന് ഈ നാടിൻ്റെയാകെ പിന്തുണയും പങ്കാളിത്തവും ആവശ്യമാണെന്നും അദ്ദേഹം പറഞ്ഞു. മയക്കുമരുന്നുൾപ്പെടെയുള്ള മാരക ലഹരികൾ പൊതുസമൂഹത്തിൻറെ സമാധാന അന്തരീക്ഷത്തിനും ഭീഷണി ഉയർത്തുകയാണ്. മയക്കുമരുന്ന് ആസക്തി പലപ്പോഴും കുടുംബ ബന്ധങ്ങളുടെ തകർച്ചയിലേക്ക് നയിക്കുന്നു. അതിൻറെ ഭാഗമായി സാമ്പത്തിക ബുദ്ധിമുട്ട്, വൈകാരിക പ്രശ്‌നങ്ങൾ, കുറ്റവാസന, ആത്മഹത്യ എന്നിവ വർദ്ധിച്ചു വരുന്നു.