മുനമ്പം കമ്മീഷന്‌ പ്രവർത്തനം തുടരാമെന്ന കോടതിവിധി

7/4/2025

Adam john P

തിരുവനന്തപുരം: മുനമ്പം ഭൂമി കൈവശക്കാരുടെ അവകാശം കണ്ടെത്താൻ നിയോഗിച്ച സി എൻ രാമചന്ദ്രൻ നായർ കമീഷന് പ്രവർത്തനം തുടരാമെന്ന ഹൈക്കോടതി വിധി സ്വാഗതാർഹമെന്ന് നിയമ മന്ത്രി പി രാജീവ്. വിധി കമീഷൻ്റെ പ്രവർത്തനത്തിന് സഹായകരമാകുമെന്നും സർക്കാർ നടപടി ക്രമങ്ങളുമായി മുന്നോട്ട് പോകുമെന്നും അദ്ദേഹം കൂട്ടിച്ചേർത്തു. നേരത്തെ സിംഗിൾ ബെഞ്ച് ജസ്റ്റിസ് സി എൻ രാമചന്ദ്രൻ നായർ കമീഷൻ്റെ പ്രവർത്തനം നിർത്തണമെന്ന് ആവശ്യപ്പെട്ടിരുന്നു. കമിഷൻ്റെ നിയമനം നിയമപരമല്ല എന്ന് ചൂണ്ടിക്കാട്ടിയായിരുന്നു സിംഗിൾ ബെഞ്ച് നിർദേശം. എന്നാൽ ഇതുമായി ബന്ധപ്പെട്ട് സർക്കാർ ഡിവിഷൾ ബെഞ്ചിന് അപ്പിൽ നൽകുകയായിരുന്നു. ഇതിലാണ് ഇപ്പോൾ ഡിവിഷൻ ബെഞ്ചിൻ്റെ ഉത്തരവ് വന്നിരിക്കുന്നത്.